काठमाडाैं - राष्ट्रपति रामचन्द्र पौडेलबाट लामा गुरुहरु र आनीहरुलाई कदरपत्र प्रदान गरेका छन् । हिमाल पारी भनेर चिनिने मुस्ताङ जिल्लाका विभिन्न स्थानमा भ्रमण गरेपश्चात बौद्व दर्शन प्रबद्र्वन तथा गुम्बा विकास समितिले लामा गुरुहरु र आनीहरुलाई कदरपत्र प्रदान गरेका हुन् ।
चैत्र ३० गते राष्ट्रपतिबाट कदरपत्र प्रदान गर्दै राष्ट्रपति पौडेलले लामागुरु तथा आनिहरुलाइ देश दर्शन गरी आएकोमा धन्यवाद दिँदै दक्षिणा समेत प्रदान गरिएको थियो। उनीहरुलाई गत चैत्र २३ गतेबाट एक हप्ताको लागि हिमाल पारी भनेर चिनिने मुस्ताङ जिल्लाका विभिन्न स्थानमा देश दर्शन गराएकाे समितिका कार्यकारी निर्देशक होम दोङले जानकारी दिएका हुन् ।
उनीहरुलाई एक हप्ते भ्रमणमा ११ जिल्लाबाट १७ जना लामागुरु र ३ जना आनीहरुलगायत २२ जनाको सहभागीता रहेका थिए । भ्रमणका क्रममा उनीहरुले मुस्ताङको एतिहासिक, धार्मिक गुम्बाहरुको अवलोकन‚ अनुसन्धान गरेका थिए ।
त्यस्तै मुक्तिनाथ, ठिनि यङ्टुक गुम्बा, चुङ्सी केभमा रहेको चुङ्सी गुम्बा, लोमान्थङ दरबार र त्यहाँका गुम्बाहरु‚ नेपाल र तिब्बतको सिमाना कोरेला नाकासम्म पुगेको समितिका योजना अधिकृत सन्जु योङ्गयाले जानकारी दिइन् ।
समितिले प्रत्येक वर्ष लामागुरु र आनीहरुलाई देश दर्शनमा लैजाने समितिका कार्यकारी निर्देशक दोङले जानकारी दिएका हुन् । उनले गत वर्ष पनि मुस्ताङ नै भ्रमण गरिएको बताएका छन् ।
प्रकाशित मिति: आइतबार, वैशाख ३, २०८० १४:३०
-1752335779.jpg)
