दाेलखा - राष्ट्रपति विद्यादेवी भण्डारी आज दोलखा जाँदै छन् । बिहीबार सैनिक हेलिकप्टरमार्फत बिहान ११ बजे तारादल गणको हेलिप्याडमा उत्रिए लगत्तै प्रसिद्ध दोलखा भिमेश्वर मन्दिर दर्शनको लागि जाने भएकी छिन् ।
राष्ट्रपति भण्डारीले भिमेश्वरमा रुद्री र सड्ढल्प पुजा गर्न गर्ने स्राेतले जनाएकाे छ । मन्दिर प्रवेश गर्नु अघि भिमेश्वर गुठी तथा पुजा व्पवस्थापन समितिले भब्य स्वागत गर्ने भएका छन् ।
करिब आधा घण्टा समय मन्दिरमा बिताएसँगै सदरमुकाम चरिकोटको सिमपानी हलमा हुने ग्रामीण विकास टुकि संघद्वारा आयोजित टुकी किसानसँग राष्ट्रपति नामक अन्तरक्रियामा सहभागी हुने जनाइएकाे छ ।
दोलखामा राष्ट्रपति भण्डारीको आवागमनलाई मध्यनजर गर्दै दोलखाको सुरक्षामा थप कडाइ गरिएको प्रहरीले जनाएकाे छ। नेपाल प्रहरी नेपाली सेना सशस्त्र प्रहरी र सादा पोसाकको सुरक्षाकर्मी समेतको भिमेश्वर मन्दिर परिसर दोलखा बजार चरिकोट बजारमा बाक्लो उपस्थिति रहेको छ।
प्रकाशित मिति: बिहीबार, फागुन १८, २०७९ ०८:२३
