एजेन्सी– यस हप्ताको सुरुमा जैसलमेरमा विवाह गरेका बलिउड जोडी कियारा आडवाणी र सिद्धार्थ मल्होत्रा शनिबार साँझ मुम्बई फर्किएका छन्। नवविवाहित जोडी मुम्बईमा अवतरण गर्नु अघि उनीहरूको रिसेप्सनको लागि दिल्ली पुगेका थिए। यस जोडीले मुम्बई अवतरण गर्ने क्रममा फोटो समेत खिचाएका छन् । उनीहरुले पापाराजीहरुसँग पोज दिदैँ पापाराजीहरूलाई मिठाई बाँडेका छन् ।
कियारा आडवाणी र सिद्धार्थ मल्होत्राको पहिलो भेट लस्ट स्टोरीजको क्रममा भएको थियो । उनीहरुले २०२१ को फिल्म शेरशाहको सेटबाट डेट गर्न थालेका थिए जुन उनीहरु दुईले सँगै गरेको पहिलो फिल्म हो।
राजस्थानको जैसलमेरस्थित सूर्यगढ प्यालेसमा उनीहरुले फ्रेब्अरी ७ मा विवाह गरेका हुन् । कियारा पछिल्लो पटक धर्मा प्रोडक्सनको गोविन्द नाम मेरामा विक्की कौशल र भूमि पेडनेकरको साथमा देखिएकी थिइन् । उनले गत वर्ष नीतु कपूर, अनिल कपूर र वरुण धवनको सह–अभिनेता जुग्जुग जियोमा पनि अभिनय गरिन्। उनी अर्को प्रोजेक्टमा रामचरणसँग देखिनेछिन् । उनी कार्तिक आर्यनसँग सत्यप्रेम की कथामा पनि अभिनय गर्ने भएकी छन् ।
सिद्धार्थ मल्होत्रा अन्तिम पटक जासुसी थ्रिलर मिशन मजनुमा रश्मिका मन्डन्नासँग देखिएका थिए। यो फिल्म गत महिना नेटफ्लिक्समा रिलिज भएको थियो । उनी अब योधामा देखिनेछन् । उनले शिल्पा शेट्टीसँग रोहित शेट्टीको इन्डियन पुलिस फोर्समा पनि अभिनय गर्नेछन्।
PC: NDTV
