दोलखा - पर्यटकीय हबको रुपमा चिनिने दोलखा यस वर्ष सुनसान रहेकाे छ। यो समयमा दोलखाको होटल तथा लजहरु भरिभराउ हुने गरेका थिए ।
आन्तरिक तथा बाह्य पर्यटकले खचाखच हुने दोलखा विशेष गरि कालिन्चोक, जिरी, शैलुङ, दोलखा भिमेश्वर मन्दिर,खरिढुङा पर्यटकको मुख्य गन्तव्यको रुपमा चिनिन्छ। यस क्षेत्रमा पनि चहलपहल न्यून छ।
अङ्ग्रेजी नयाँ वर्षमा स्वदेशी तथा विदेशी पर्यटकले भरिने दोलखामा यो साल कुनै पनि होटलले पर्यटक भित्र्याउन सकेका छैनन् । सिजनको बेला पनि होटल चल्न नसकेपछि ब्यवसायीहरु चरम आर्थिक सङ्कटमा परेका छन् । लाखौँ खर्चेर सञ्चालन गरिएका ब्यवसायसमेत धरसायिमा पर्न सक्ने ब्यवसायी बिष्णु थापाले बताएका छन् ।
अघिल्लो वर्ष चार पटक सम्म हिउँ परेको थियो । यस पटक उच्च हिमाली क्षेत्रमा समेत हिमपात भएको छैन । पर्यटकहरु खासै घुमफिरमा नआएको र काठमाडौं लगाएतका छिमेकी जिल्लाबाट आउने आन्तरिक पर्यटकहरुकाे पनि कमि भएकाे छ ।
पर्यटकीय क्षेत्रमा प्राय सबै ठाउँ सडक संजालले जोडिएको हुदाँ गाडी लिएर आउने र घुमफिर गरि गन्तव्यतर्फ फर्किनुले पनि दोलखाको होटलहरुमा बास बस्नेको सङ्ख्यामा कमि भएको ब्यवसायी थापा बताउँछन् ।
याे वर्ष ब्यवसायीहरुको छाता सगठन उद्योग बाणिज्य संघ दोलखाले पनि पर्यटकमैत्री योजना बनाइ जिल्लामा पर्यटक भित्र्याउने कुनै गतिविधि सञ्चालन गर्न पहल गरेकाे देखिएकाे छैन । उनीहरुकाे कार्यकाल सकिएसँगै विवादित बन्दै गएकाले यससम्बन्धी निचाेड निस्कन नसकेकाे प्रभाव संवाददाताले बताएका छन् ।
बिगतका दिनहरुमा मेला तथा महोत्सव गर्दै आएका भिमेश्वर नगरपालिकाले पनि यस वर्ष कुनै खपनी मेलाको आयोजना गरेका छैनन् । केहि वर्ष पहिले कालिन्चोक गाउँपालिकाले पनि चौरी महोत्सव गरि पर्यटकलाई भित्र्याउने कोसिस गरेका थिए भने अहिले सो गाउँपालिकाले पनि पर्यटक भित्र्याउने कुनै गतिविधि गरेका छैनन्।
शैलुङ गाउापालिकाले आलु महोत्सव गरेर आन्तरिक तथा बाहय पर्यटकलाई भित्र्याएका थिए भने शैलुङ् क्षेत्रको प्रचारप्रसारमा पनि ठूलो टेवा पुगेको थियो। यसपटक कुनै कार्यक्रम गरेका छैनन् जसका कारण यहाँकाे अर्थतन्त्रलाई पनि निकै धक्का देखिने अनुमान लगाउन सकिन्छ ।
