काठमाडाैं- नेपाली कांग्रेसका नेता डा शेखर कोइराला पक्षधर समूहका नेता कार्यकर्ताले विभिन्न माग राखी पार्टी केन्द्रीय कार्यालयमा धर्ना दिएका छन् ।
उनीहरुले पार्टीको आन्तरिक एकता, समान अवसर र न्यायको माग गर्दै आज दिउँसो एक घण्टा धर्ना दिएका केन्द्रीय सदस्य अजयबाबु शिवाकोटीले जानकारी दिएका हुन् ।
धर्नामा सो समूहका शीर्ष नेता तथा पदाधिकारीको भने सहभातिा नरहेकाे स्राेतले जनाएकाे छ । आगामी मङ्सिर ४ गते हुने प्रतिनिधिसभा र प्रदेशसभा सदस्यको निर्वाचनमा पार्टीका तर्फबाट समानुपातिक बन्दसूची तय गर्दा उचित तवर नभएको नेता कोइराला समूहका नेताहरुले आरोप लगाएका छन् ।
कांग्रेस केन्द्रीय कार्यालयमा मङ्गलबार आयोजित पत्रकार सम्मेलनमा पार्टी प्रवक्ता डा प्रकाशशरण महतले पार्टीको विधानबमोजिम सम्बन्धित निकायबाट सिफारिस भई केन्द्रमा आएका नामउपर केन्द्रीय संसदीय समितिको बैठकले समानुपातिक उम्मेदवारको नामावली टुङ्गो लगाएको बताइएकाे छ ।
