कपिलवस्तु- कपिलवस्तु निर्माण व्यवसायी संघमा सरोज अर्यालले अध्यक्ष प्यानल सहित उम्मेदवारी घोषणा गरेका छन् । बुधबार होटल तिलौराकोटमा कपिलवस्तु निर्माण व्यवसायी संघको भदौ १७ गते हुन गईरहेका ७ औँ अधिवेशनमा सरोज अर्यालले अध्यक्ष प्यानलसहित उम्मेदवारी घोषणा गरेका हुन्।
अब्बल निर्माण व्यवसायीको परिचय बनाएका अर्याल अहिले संघको महासचिव समेत रहेका छन । उनले विगत १२ वर्ष देखि संघको सदस्य हुँदै महासचिवको जिम्मेदारी सम्हाल्दै आएका छन् ।
उनी संघमा निर्वाचित भएमा निर्माण कम्पनी र संघको बृहत्तर हित हुने निर्माण व्यवसायीहरुले आँकलन गरेका छन् । अर्यालले अध्यक्षमा निर्वाचित भएमा निर्माण व्यवसायिका हितमा काम गर्ने र कुनै पनि निर्माण व्यवसायीहरुलाई धरासायी हुनबाट बचाउने बताएका छन्।
संघमा प्रथम उपाध्यक्ष तपेश्वरी कहाँर द्धितिय उपाध्यक्ष चेतनारायण भण्डारी ,महा सचिव शिव दायल ठाकुर ,सचिव रमेश मिश्र ,कोषाध्यक्ष लालमोहर तेली, सह कोषाध्यक्ष नलिन गौतम भुषाल ,सदस्य महिला मंगला ढुगाना पराजुली तथा सदस्यहरुमा पंचम सिंह ,टुकलाल पुन ,मिलन वि क ,अव्दुल गफ्फार र राजकुमार मिश्रा रहेका छन्।
सचिव रमेश मिश्रको संचालन रहेको कार्यक्रममा वर्तमान अध्यक्ष गुन्जन गुप्ता , पत्रकार महासंघका अध्यक्ष किरणमान ब्रजचार्य लगाएतको उपस्थित रहेको थियो ।
