तेहरान– बुधबार बिहान इरानमा युक्रेन इन्टरनेशनल एयरलाइन्सको विमान दुर्घटना हुँदा चाकल दलसहित १८० जानको मृत्यु भएको थियो । उक्त दुर्घटनासँगै युक्रेनमा शोकले मनाएको छ । तर, युक्रेनले उक्त दुर्घटनाग्रस्त विमानको ‘ब्ल्याक बक्स’ पाएको छैन । उसले बिहीबार नै दुर्घघटनाग्रस्त विमानको ब्ल्याक बक्स इरानसँग मागेका थिए । तर, इरानले सुरुमा उक्त ब्ल्याक बक्स नदिने बताएका थिए ।
तर, बिहीबार साँझ उक्त विमानको ब्ल्याक बक्स नै बिग्रिएएको इरानले जनाएको छ । इरानले राजधानी तेहरानको परान्ड उपनगरमा दुर्घटनाग्रस्त भएको उक्त युक्रेनी यात्रुवाहक विमानको बारेमा प्रारम्भिक रिपोर्ट बिहीबार जारी गर्दै यस्तो बताएको हो ।
इरानको उड्डयन संगठनका प्रमुख अली अबेद्जादेहले भने, ‘विमानको ‘ब्लाक बक्स’ बिग्रिएको भेटिएको इरानी प्राविधिकले बताएका छन् । दुवै उपकरणका ‘मेमोरी चिप्स’ मा देखिनेगरी नै क्षति भएको पाइएको पनि देखिन्छ ।’
विमान दुर्घटनापूर्व विमान चालकबाट कुनैपनि ‘असामान्य अवस्था’ को रेडियो सन्देश प्राप्त नभएको प्रारम्भिक अनुसन्धानपछि थाहा भएको इरानी अधिकारीले बताएका छन् ।
इरानले युक्रेन र सम्बन्धित देशका प्रतिनिधिहरूलाई दुर्घटनाको बारेमा मूल्यांकनका लागि आमन्त्रित पनि गरेको स्थानीय सञ्चारमाध्यमले आबेदजादेहलाई उद्धृत गरी लेखेका छन् । इरानी प्रतिवेदनमा बुधबार विमान ८ हजार फिटमाथि आकाशमा रहेका समय विमानले राडारसँगको सम्पर्क गुमाएको र त्यसको केही छिनमा नै दुर्घटनाग्रस्त भएको उल्लेख गरिएको छ ।
विमान दुर्घटना हुनुभन्दा अघि विमानबाट आगो निस्केको प्रत्यक्षदर्शी स्थानीयले बताएका अबेद्जादेहले स्थानीय सञ्चारमाध्यमलाई जानकारी गराएका छन् ।
विमान दुर्घटनास्थललाई हेर्दा चालकले विमानमा समस्या देखेपछि उनले विमानको दिशा बदल्दै र एयरपोर्टतर्फ फर्किएको अनुमान, अधिकारीले गरेका प्रतिवेदनमा उल्लेख गरिएको छ ।
अमेरिकामा निर्माण भएको बोइङ कम्पनीको यूक्रेनी विमानमा नौ जना चालकदलका सदस्यसहित १७६ जना यात्रा गरिरहेका समय बुधबार विमान दुर्घटनाग्रस्त भएको थियो । अहिले उक्त दुर्घटनाको छानविन भइरहेको इरानले जनाएको छ ।
