कांग्रेस कार्यसमिति बैठककाे १२ बुँदे निर्णय

राजनीति

Home
राजनीति
कांग्रेस कार्यसमिति बैठककाे १२ बुँदे निर्णय

कांग्रेस कार्यसमिति बैठककाे १२ बुँदे निर्णय

2congrs

काठमाडौं- कांग्रेस केन्द्रीय कार्यसमिति बैठक सकिएको छ । गत असार २७ गतेबाट सुरु भएकाे बैठकले साेमबार विभिन्न १२ बुँदे निर्णय गरेको छ । बैठकले सदस्यता व्यवस्थापन केन्द्रीय समिति, केन्द्रीय अनुशासन समिति र कन्द्रीय लेखा समिति गठन गर्ने, नयाँ भ्रातृ संघ एवम् शुभेच्छुक संस्थालाई मान्यता दिने निर्णय गरेको छ । यसैगरी अवधि समाप्त भएर गठन हुन बाँकी रहेका र पूर्णता प्राप्त नगरेका पार्टीमा आवद्ध भ्रातृ संघलाई साउन मसान्तभित्र गठन र पूर्णता दिने निर्णय पनि भएको पार्टी प्रवक्ता डा.प्रकाशशरण महतले जानकारी दिए । त्यसैगरी नीति महाधिवेशनका सम्बन्धमा केन्द्रले आवश्यक तयारी गर्ने, स्थानीय तहमा कांग्रेस पार्टीका तर्फबाट निर्वाचित जनप्रतिनिधिलाई आचारसंहिता जारी गरि लागू गर्ने, सत्ता गठबन्धनका दलसँग आगामी संघ र प्रदेशसभा निर्वाचनमा चुनावी तालमेल गर्नेलगायत निर्णयहरू पनि केन्द्रीय कार्यसमिति बैठकले गरेको छ ।