काठमाडौं- निर्देशक प्रदीप शाहीले निर्देशन गर्न लागेको चलचित्र ‘अन्तिम संस्कार’मा अभिनेत्री दीया पुन अनुबन्धित भएकी छिन् ।
निर्माण टिमले हालै अभिनेत्री पुनसँग लिखित सम्झौता गरेको हो । विनोद सुवेदी (खत्री)को निर्माण रहने चलचित्रमा दीयासँगै विजय लामा, एवनराज उप्रेती, त्रिचन्द्र राई, विनोद सुवेदी (खत्री ), सस्मिता गिरी, श्याम राई आदी कलाकारहरुको अभिनय रहनेछ ।
निर्देशक शाहीको ‘अन्तिम संस्कार’ दोस्रो चलचित्र हो । उनको निर्देशनमा बनेको पहिलो चलचित्र ‘गोर्खा: बिनिथ द ब्रेभरी’ प्रर्दशनको तयारीमा छ । ‘अन्तिम संस्कार’ अब केही समयपछाडि छांयाकनमा जाने निर्माता सुवेदीले जानकारी दिए ।
शाही प्रोडक्सन प्रा.लीको व्यानरमा सामाजिक कथामा चलचित्र निर्माण हुन लागेको हो ।
