काठमाडौं– प्रा.डा.गोविन्द केसीले फेरि सत्याग्रह बस्ने चेतावनी दिएका छन् । सोमबार त्रिवि शिक्षण अस्पतालमा पत्रकार सम्मेलन गर्दै प्रा.डा.केसीले ती माग पूरा गर्न सरकारलाई १५ दिनको समय दिएको र उक्त समयमा पूरा नभए १३ कात्तिकबाट सत्याग्रहसहितको आन्दोलन थाल्ने केसीले चेतावनी दिएका हुन् ।
१० साउन ०७५ मासत्याग्रहका क्रममा भएको सम्झौताअनुसार चिकित्सा शिक्षा ऐनमा संशोधन गर्नुपर्ने उनको पहिलो माग छ । उनले विश्वविद्यालयहरूमा पदाधिकारी नियुक्तिको हालको प्रक्रिया रोकेर परासर कोइराला नेतृत्वको मापदण्ड निर्धारण समितिले दिएको सुझावअनुसार निष्पक्ष र पारदर्शी ढंगले पदाधिकारी नियुक्त गर्ने कानुनी व्यवस्था गर्न माग गरेका छन् ।
उनको मागमा आन्दोलनरत मेडिकल विद्यार्थीहरूका माग पूरा गर्दै नेपालका सबै निजी मेडिकल कलेजले अवैध रुपमा असुल गरेको रकम फिर्ता गर्नुपर्ने पनि जोडिएको छ । अर्बौँको ठगी तथा आर्थिक अपराधका दोषी मेडिकल कलेजका सञ्चालकहरूलाई फौजदारी कानुनबमोजिम कडाभन्दा कडा कारबाही गरिनुपर्ने पनि उनको माग छ ।
संसदीय उपसमितिको प्रभावमा गरिएको शुल्क र सिट संख्यामा वृद्धि गर्नेसम्बन्धीलगायत निर्णय तत्काल खारेज गर्न केसीले माग गरेका छन् भने कर्णाली स्वास्थ्य विज्ञान प्रतिष्ठानमा तत्काल पूर्वाधार र जनशक्ति पु¥याएर एमबिबिएस कार्यक्रम सञ्चालन गर्न उनले माग गरेका छन् ।
यस्तै, संक्रमणकालीन न्यायसम्बन्धी आयोगहरुमा दलीय भागबन्डाबाट नभई पीडितको विश्वास जित्ने विज्ञहरुलाई नियुक्त गर्न पनि उनले माग गरेका छन् । युद्धकालका गम्भीर र मानवताविरोधी अपराध गर्नेहरुलाई अन्तर्राष्ट्रिय अभ्यासअनुसार दण्ड सुनिश्चित गरेर मात्रै देशमा दण्डहीनताको अन्त गर्न सम्भव हुन्छ भन्दै केसीले सरकार अहिले पनि सम्बन्धित आयोगहरुमा पार्टी कार्यकर्ता भर्ती गरेर संक्रमणकालीन न्यायलाई तमासा बनाउन लागिपरेको उनको आरोप छ ।
सरकारले आफूस“ग विगतमा गरेका सम्झौता कार्यान्वयन गर्नुको सट्टा कूटिलता र जालझेलपूर्वक विषयान्तर गर्न मात्रै खोजेको भन्दै आफ्नो आन्दोलनका उपलब्धिलाई संस्थागत गर्न सत्याग्रहसहितको आन्दोलन गर्नु अनिवार्य भएको उनले बताए ।
[real3dflipbook id='1']
