काठमाडौं– प्र्रतिनिधिसभाका सदस्य मोहम्मद आफताब आलमलाई प्रहरीले पक्राउ गरेको छ । नेपाली कांग्रेसका तर्फबाट रौतहट क्षेत्र नं २ बाट निर्वाचित सांसद आलमलाई रौतहट प्रहरीले आइतबार बिहान पक्राउ गरेको हो ।
सांसद आलमलाई गौरनजिक इद्रिस गेटबाट पक्राउ गरिएको जिल्ला प्रहरी कार्यालय रौतहटले जनाएको छ । उनीमाथि ०६४ चैतमा भएको बम काण्डमा संलग्न भएको आरोप लाग्दै आएको थियो । यहि आरोपमा उनीमाथि किटानी जाहेरी परेपछि सांसद आलमलाई प्रहरीले पक्राउ गरेको हो ।
अहिले उनलाई रौतहटमै राखिएको छ । पहिलो संविधानसभाको निर्वाचनमा बुथ क्याप्चर गर्ने उद्देश्यले आङ्खनै घरमा बम बनाउन लाग्दा विष्फोट भई घाइते भएकामध्ये १३ जनालाई नजिकैको इ“टाभट्टामा जलाएर मारेको उनीमाथि आरोप थियो । घटनालगतै जिल्ला प्रहरी कार्यालय रौतहटका तत्कालिन एसपी लक्ष्मण न्यौपाने घटनास्थल पुगे पनि आलम समर्थकहरूले प्रहरीलाई ईट्टाभट्टासम्म पुग्न दिएका थिएनन् । घटनास्थलमा प्रहरी पुग्नु अघिनै सबै प्रमाणहरू नष्ट गरिएको भनिएको थियो । बम विस्फेटनमा परी सरुअठा गा“उका श्रीनारायण सिंहका छोरा २५ वर्षीय पिन्टु सिंह र राजपुर फरहदवाका ओसी अख्तरका साथै अन्य भारतीयहरूको मृत्यु भएको बताइएको छ ।
घटनालगतै मृतक पिन्टु सिंहका बुवा श्रीनारायण शिंह र ओसी महमदकी श्रीमती रुखसाना खातुनले सांसद मोहमद आफताभ आलम, उनका भाइ शेख मोहमद महताभ आलम, सोही ठा“उका शेख भदै, शेख मोमिन र हाल गरुडा नगरपालिका अन्तरगत जयनगरका शेख बलेरुलाई मुख्य आरोपी बनाइ जिल्ला हुलाकमार्फत जिल्ला प्रहरी कार्यालय गौरमा मुद्दा दर्ता गराएका थिए ।
मुद्दामा जिल्ला अदालत गौर र तत्कालिन पुनरावेदन अदालत हेटौँडाले आलमलाई सफाइ दिएको थियो । सोही बीच मृतक ओसी महमदको आमा रुखसाना खातुनको गोली हानी हत्या भएपछि पीडित भनिएका श्रीनारायण सिंह राजपुतले सर्वोच्च अदालतमा पुनः अपिल गरेका थिए । राजपुतको अपिलमा सर्वोच्च अदालतले आलमलाई नियन्त्रणमा लिएर अनुसन्धान गर्न ०७३ मा आदेश दिएको थियो । अदालतको उक्त आदेश कार्वान्यन नगरेको भन्दै श्रीनारायण सिंहले जिल्ला प्रहरी कार्यालय रौतहटलाई विपक्षी बनाइ सर्वोच्चमा मानहानीको समेत मुद्दा दायर गरेका थिए ।
