काठमाडौं– अभिनेत्री मिरुना मगरले उनीमाथि असहज तवरले छुनखोजेपछि एक व्यक्तिलाई सार्वजनिक स्थलमा थप्पड हानेकि छन्। हाल बक्स अफिसमा अत्याधिक व्यापार गर्न सफल भैरहेको नेपाली चलचित्र ुकबड्डि ४ु को मुख्य नायिका मिरुना हलमा दर्शकलाई भेटन काठमाडौंको सिभिल मलमा टिमसंगै पुगेकी थिइन् ।
लामाको पहिरनमा देखिएका सो ब्यक्तिले मिरुनालाई अस्वाभिक तरिकाले छुने प्रयास गरेपति मिरुनाले थप्पड हानेकी हुन् । उक्त भिडियो सामाजिक सञ्जालमा भाइरल भइरहेको छ। मिरुनाले सो व्यक्तिलाई थप्पड हानिसकेपछि कोही केटिलाई त्यसरी छोइस भने तेरो युनिफर्म उतार्दिन्छु भन्दै सबैमाझ माफी समेत माग्न लगाएकी छन् ।
अभद्र व्यवहार गरेको आरोपमा फुर्वा तामाङ भनिने सो ब्यक्तीलाई प्रहरीले पक्राउ गरेको छ । पछाडिबाट पटकपटक अस्वाभाविक रुपमा छोएको भन्दै मिरुनाले प्रहरी वृत्त, जनसेवामा अभद्र व्यवहारको कसूरमा जाहेरी दिएकी थिइन् । उनको सो जाहेरीको आधारमा प्रहरीले मुगु घर भएका लामालाई पक्राउ गरेर हिरासतमा राखेको हो ।
