काठमाडाैं - मकवानपुरको तीन पालिका र ५७ वडामा मतगणना सम्पन्न भएको छ । स्थानीय तह निर्वाचनअन्तर्गत मकवानपुरको १० स्थानीयमध्ये तीन पालिकाको मतगणना सम्पन्न भएको छ भने १०२ वडामध्ये ५७ वटा वडाको मत परिणाम सार्वजनिक भएको छ ।
जसमा इन्द्रसरोवरको अध्यक्षमा नेकपा एमालेका देशकृष्ण पुडासैनी शर्मा र उपाध्यक्ष विश्व लामा निर्वाचित भएका छन् । भीमफेदीको अध्यक्षमा एमालेका हिदम लामा र उपाध्यक्षमा गठबन्धनबाट नेपाली कांग्रेसका सञ्जीव श्रेष्ठ निर्वाचित भएका छन् ।
कैलाश गाउँपालिकामा गठबन्धनबाट अध्यक्षमा लोकबहादुर मोक्तान र उपाध्यक्षमा गठबन्धनकै बालकुमार मल्ल निर्वाचित भएका छन् ।
त्यस्तै ५७ वटा वडामध्ये कैलाशको १०, भीमफेदीको ९, थाहा नगर ७ र बकैयाको ७–७, इन्द्रसरोवरको ५, हेटौँडा उपहानगरपालिकाका, मनहरि, मकवानपुरगढी र राक्सिराङ ४–४ वडाको नतिजा सार्वजनिक भएको छ भने बागमतीको ३ वडाको मत परिणामा सार्वजनिक भएको छ ।
सबैभन्दा धेरै नेपाली कांग्रेसले २५, एमाले र नेकपा माओवादी केन्द्रले १६–१६ वटा वडामा जीत हाँसिल गरेको छ ।
