काठमाडौं- नेपाल वायु सेवा निगमका तीनवटै संयुक्त ट्रेड युनियनमा आवद्ध कर्मचारीहरू कार्यकारी अध्यक्ष युवराज अधिकारीको राजीनामा माग्दै मन्त्रालयमा उजुरी गरेका छन् ।
पर्यटनमन्त्री प्रेम आलेसमक्ष उजुरी पत्र बुझाउँदै कार्यकारी अध्यक्ष अधिकारीको राजीनामा माग गरेका छन् । १५ बुँदे ध्यानाकर्षण पत्र बुझाउँदै उनीहरूले अधिकारीले निगम सञ्चालन गर्न नसक्ने भन्दै राजीनामा माग गरेका हुन् ।
ध्यानाकर्षण पत्रमा अध्यक्ष अधिकारीमाथि निगम सञ्चालनका लागि कुनै पनि योजना नभएको, निगमको व्यापार राम्रो हुँदा समेत कर्मचारी सञ्चय कोषमा किस्ता नबुझाएको, निकट भविष्यमा सञ्चालनमा आउने पोखरा अन्तर्राष्ट्रिय विमानस्थलका लागि आवश्यक गुरुयोजना नबनाएको आरोप लगाइएको छ ।
निगमका कार्यकारी अध्यक्ष युवराज अधिकारीको छानबिनका लागि समिति गठन गरिएको छ । निगमभित्र पछिल्लो समय भएका असन्तुष्टि र कर्मचारीमाथि भएको दमनका विषयमा अध्ययन गर्न पर्यटन मन्त्रालयका सहसचिव डा. टोकराज पाण्डेको संयोजकत्वमा छानबिन समिति बनाएको छ ।
निगम संयुक्त ट्रेड युनियन संघर्ष समितिले गत सातादेखि नै अध्यक्ष अधिकारीको राजीनामा माग गरिरहेको हो । अध्यक्ष अधिकारीले कर्मचारीमाथि पटकपटक अभद्र व्यवहार गरेको र आङ्खनो मनोमानीमा चलाएको भन्दै उनको राजीनामा माग गरेको निगमका कर्मचारी युनियनका अध्यक्ष मानबहादुर कुँवरले जानकारी दिए ।
गत शुक्रबार अध्यक्ष अधिकारीको कार्यकक्षमा ताला लगाइएको छ । अध्यक्ष अधिकारीले यही वैशाख १४ गते ओझालाई आङ्खनो कार्यकक्षमा बोलाएर कोठा थुनेर मोबाइल बन्द गर्न लगाए र अभद्रपूर्वक धम्की दिएको कुँवरले बताएका छन् ।
निगम संयुक्त ट्रेड युनियन संघर्ष समितिले अध्यक्षको राजीनामा माग गरिरहेको हो । छानबिनका लागि गठित समितिले कार्यकारी अध्यक्ष अधिकारीले कर्मचारी ओझामाथि गरेको व्यवहारको समेत अध्ययन गरी एक साताभित्र रिपोर्ट बुझाउनेछ ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)