काठमाडाैं - नव विवाहित जोडीका लागि पनि अन्नपूर्ण केबुलकारले विशेष अफरको घोषणा गरेको छ ।नव विवाहित जोडीले विवाहित भएको विवाह कार्ड अनिवार्य देखाएपश्चात केबुलकारले केबुलकार चढ्दा ५० प्रतिशत छुट प्रदान गर्ने भएको हाे ।
यस योजना अन्तर्गत एक टिकटको खरीदमा अर्काे एक केबुलकार टिकट निःशुल्क प्रदान गर्ने छ । यो योजना भने २०७९ असार मसान्तसम्म लागु हुने केबुलकारले जनाएको छ ।
यसका साथै भर्खरै एसइई दिई बसेका छात्रछात्राहरुलाई उच्च शिक्षा अध्ययन गर्नका लागि प्रोत्साहन गर्ने र मेहेनती हातहरुलाई अझ मेहेनती बन्नका लागि उर्जा प्रदान गर्न केही समय भएपनि रमाइलो बनाउने उद्देश्यका साथ अन्नपूर्ण केबुलकारले केबुलकार चढ्दा ५० प्रतिशत छुट प्रदान गर्ने भएको छ ।
यस योजनामा सहभागी हुनका लागि विद्यार्थी छात्रछात्राहरुले एसइई परीक्षामा सामेल भएको परीक्षा प्रवेश पत्र अनिवार्य देखाउनु पर्नेछ । यो योजना भने वैशाख ३०, २०७९ सम्म लागु हुने केबुलकारले जनाएको छ ।
