काठमाडौं - नेपाल विद्युत् प्राधिकरणले टेलिफोन, इन्टरनेट, केवल टिभी सेवा प्रदायक कम्पनीहरुले पोलकाे महसुल नतिर्नेलाई चेतावनी दिएकाे छ ।
बुधबार एक सूचना जारी गर्दै प्राधिकरणले वैशाख मसान्तसम्म विद्युतीय संरचनाहरू प्रयोग गरेर, अप्टिकल फाइवर भाडामा लिएर बक्यौता महसुल नतिर्नेहरुलाई कारबाही गर्ने चेतावनी दिएको हाे ।
पोल भाडाको बक्यौता महसुल तिर्न आउन प्राधिकरणले टेलिफोन, इन्टरनेट, केवल टिभी सेवा प्रदायक कम्पनीहरुलाई आग्रह गरेको छ ।
अधिकांश सेवा प्रदायकहरूले नियमाअनुसार सम्झौता नगरी वा आंशिक क्षेत्रको मात्रै सम्झौता गरेर विद्युतीय संरचनाहरू प्रयोग गरिरहेको भन्दै नियमानुसार सम्झौता र नवीकरण गर्न आग्रह गरेको छ । हालसम्मको बाँकी बक्यौता भाडा रकम भुक्तानी गर्न पनि प्राधिरकणले अनुरोध गरेको छ ।
‘नयाँ सम्झौता नभएसम्म नयाँ लाइन विस्तारको कार्य नगर्न यसअघि नै पटक-पटक सचेत गरिसकिएको छ,’ सूचनामा भनिएको छ । नियमानुसार सम्झौता नगरी सेवा प्रदायकहरूको लाइन जुनसुकै सयममा काट्न सकिने प्राधिकरणले बताएको छ ।
