नवलपरासी– नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय तहदेखि संघको निर्वाचनसम्म गठबन्धन कायम रहने बताएका छन् । नवलपरासी बर्दघाट सुस्तापूर्व नवलपुरको देवचुलीमा भएको पार्टी प्रशिक्षण कार्यक्रममा बोल्दै अध्यक्ष प्रचण्डले आउने चुनाव माओवादीका लागि चुनावमात्रै नभएर एउटा लडाइँ भएको बताए । उनले भने, ‘चुनाव माओवादीका लागि चुनावमात्रै नभएर एउटा लडाइँ भएको छ, जसरी नि जित्न पर्ने लडाइँ ।’
उनले स्थानीय तह निर्वाचनमा तालमेल गर्ने कुरा सजिलो नभएको भन्दै निर्वाचनसम्म गठबन्धन कायम हुने बताए ।
उनले गठबन्धनभित्र स्थानीय तह निर्वाचनमा सबैलाई आङ्खनो पार्टीले धेरै पाए हुन्थ्यो भन्ने भएपनि तालमेल जरुरी रहेको बताए । उनले यो गठबन्धन स्थानीय तहदेखि संघको निर्वाचनसम्म मात्र कायम रहने बताए । उनले आउने चुनाव माओवादीले हर हालतमा जित्नुपर्ने बाध्यता भएकोसमेत बताए । ‘आउने चुनाव माओवादीले हरहालतमा जित्नुपर्ने बाध्यता छ ।’ अहिले माओवादीले हार्यो भने संविधान, गणतन्त्रले हार्ने निश्चित भएकोले पनि जित अपरिहार्य भएको बताए ।
उनले महिला, दलित, जनजाति, थारू, आदिवासी, मधेशी सबैको प्रतिनिधित्व माओवादीमा भएकोले अधिकारको लागी पनि जित्न आवश्यक भएको उनको भनाई थियो । उनले हाल संविधान विरोधीहरूले गणतन्त्रलाई उल्ट्याउन खोजेको भन्दै यो कुरा जनतालाई बुझाउन जरुरी रहेको बताए ।
-1755862759.jpeg)
