पर्वत– नेकपा (एकीकृत समाजवादी) पार्टीका अध्यक्ष माधवकुमार नेपालले स्थानीय तहको निर्वाचनमा गठबन्धन बनाएर जाने विषयमा द्विविधा नभएको स्पष्ट पारेका छन् । सोमबार समाजवादी प्रेस संगठनले आयोजना गरेको पत्रकार सम्मेलनमा नेपालले २०७४ सालको स्थानीय तह निर्वाचनले कुन दलको हैसियत कति छ भन्ने देखाएकाले गठबन्धनमा नै जाने आफुहरूले निर्णय गरेको जनाए । उनले गएको स्थानीय तहको निर्वाचनमा दलले प्राप्त गरेको मतका आधारमा सिट बाँडफाँट गरिने जानकारी गराए ।
उनले दलको हैसियत कति छ गठबन्धनमा पनि सोहीअनुसार सहमति हुने जनाए । एमालेबाट फुटेर बनेको एकीकृत समाजवादीको अवस्था आगामी निर्वाचनले पुष्टि गर्ने भन्दै एमाले त्यागेर आङ्खनो नेतृत्वको पार्टीमा आउने क्रम तीव्र रहेका कारण आउँदो निर्वाचनले समाजवादीको अवस्थाबारे सबैलाई प्रस्ट पार्ने उनको भनाई छ । उनले अहिले गठबन्धनमा पछि उम्मेदवार कसरी टुङ्ग्याउने भन्ने तरिकाका बारेमा छलफल भइरहेको बताए ।
स्थानीय तह, प्रदेश र प्रतिनिधिसभाको निर्वाचनसम्मै गठबन्धन कायम रहने बताउँदै उम्मेदवार छनोटको तरिका तय गर्न गठबन्धनमा लगातार छलफल भइरहेको जनाए । उनले हालको गठबन्धनलाई लम्ब्याएर प्रदेश र प्रतिनिधिसभाको निर्वाचनमा पनि साझा उम्मेदवार कायम गरिने जनाए । उनले पुराना नेताहरू रहेको नयाँ दल भए पनि जनताको आकर्षण एकीकृत समाजवादीमा रहेको भन्दै उनले गठबन्धको नेतृत्व गर्ने दल आङ्खनै दल भएको बताए । उनले आङ्खनो पार्टीबाट गठबन्धनमा रहेका अरु पार्टीले आशा राख्ने भएकाले ढुक्क भएर निर्वाचनका कार्यक्रममा लाग्न कार्यकर्तालाई आग्रह गरे ।
उनले विचार मिल्नेहरूका बीचमा तालमेल गरेर तीनै तहको निर्वाचनमा होमिन लागेको भन्दै कम्युनिष्ट पार्टी बनाउनेले नै विद्रोह गर्नुपरेको इतिहास आङ्खनो पालामा पनि दोहोरिएको बताए । उनले आङ्खनो पार्टीमा जनलहर सुरु भएको पनि बताए ।
संस्थापक पुष्पलालदेखि आङ्खनो पालामासमेत नेतृत्वको अर्कमन्यताले विद्रोह गर्नुपरेको नेपालले बताए । इतिहासमा पुष्पलालले विद्रोह गरेको स्मरण गर्दै उनले बहुमतलाई कारबाही गर्न खोजेपछि आफूले विद्रोह गर्न बाध्य भएको बताए । पार्टी कार्यकर्ता प्रशिक्षण दिन नेता नेपालले बागलुङ आएका थिए ।
