काठमाडाैं - जनता समाजवाटी पार्टी (जसपा) बागमती प्रदेश कमिटी सदस्य मध्यपुर थिमि नगरपालिकाका लोकप्रिय युवा नेता जयकृष्ण अधिकारीले पार्टी परित्या गरी नेकपा एमालेमा प्रवेश गरेका छन् ।
अधिकारीले विज्ञप्ति जारी गर्दै जसपाभित्र देश र जनताको हित एवम् समृद्धिभन्दा आपसी खिचातानी, जातीय, क्षेत्रीय चिन्तनले प्रश्रय पाएको मात्र नभइ देशको सार्वभौमिकता र अखण्डताप्रति समेत प्रष्ट अडान राख्न नसकेकोले पार्टी परित्याग गरेको घोषणा गरेका हुन् ।
नेकपा(एमाले) का केन्द्रीय सदस्य निर्मल भट्टराई, जिल्ला अध्यक्ष बचन देउजा र जिल्ला सदस्य राष्ट्रशमशेर थापा, नेकपा(एमाले)मध्यपुर थिमिका अध्यक्ष सुर्यलाल श्रेष्ठको परामर्शमा अधिकारी एमालेमा प्रवेश गरेका मध्यपुर थिमिका उपसचिव एवं प्रचार विभाग प्रमुख पुष्कर के.सी. ले जानकारी दिएका हुन् ।
त्यस्तै, आजकै मितिबाट देशको आर्थिक समृद्धिका लागि प्रतिवद्ध, नेपाली समाजको आमूल रुपान्तरणको संवाहक र देशको राष्ट्रियता, सार्वभौमिकता र अखण्डताका परहेदारको रुपमा रहेको देशको एक मात्र पार्टी एमालेमा निःशर्त प्रवेश गरि सक्रिय रहने अधिकारीले उल्लेख गरेका छन् ।
