काठमाडौं– गत असोजबाट शुरु भएको कांग्रेस १४ औं महाधिवेशनले कांग्रेस जिल्ला अधिवेशन पनि सकाएको छ । ७७ जिल्लाको नेतृत्व छान्दै महाधिवेशन सिद्धिएको हो ।
केन्द्रको अधिवेशन सकिए पनि विवादका कारण १६ जिल्लाको अधिवेशन हुन सकेको थिएन् । आन्तरिक विवाद र मौसमको प्रतिकूलतका कारण १६ वटा जिल्लाको अधिवेशन महाधिवेशन भन्दा पछि सम्पन्न गर्ने निर्णय कांग्रेसले गरेको थियो । जसमध्ये आइतवार सिन्धुपाल्चोक, सर्लाही, बारा जिल्लाको नेतृत्व चयन गर्दै कांग्रेस जिल्ला अधिवेशनको पुरा गरेको छ ।
७७ वटै जिल्लामा अधिवेशन सकिंदो सभापति देउवा र शेखर पक्षले आ–आङ्खनो निकट नेतृत्व भएको दाबी गरेका छन् । दाबी अनुसार देउवा पक्षले ४२ र डा. शेखर कोइराला पक्षले ३३ जिल्लामा सभापति जितेको छ । पार्टीमा तेस्रो समूहको रूपमा परिचित नेता कृष्णप्रसाद सिटौला पक्षका दुई जनाले जिल्ला सभापतिमा जीत हासिल गरेका छन् ।
महोत्तरीमा विजयी नागेश्वर यादव, स्याङ्जामा विजयी राजु थापा, रूकुमपूर्वमा विजयी केशरमान रोकालाई सभापति देउवा र शेखर पक्षले आ–आङ्खनो निकट भएको दाबी गरेका छन् ।
संस्थापन पक्ष भनेर चिनिएका नुवाकोटमा विजयी रमेश महत विजयी भएका थिए । नेता प्रकाशमान सिंह संस्थापन पक्षमा ढल्किएपछि उनी निकट कृष्णसबुज बानियाँको पक्षधरता अन्योल छ । बानियाँ काठमाडौं जिल्ला सभापतिका लागि दोस्रो पटकका लागि विजयी भएका थिए ।
देउवा पक्षबाट विजयी जिल्ला सभापतिहरूमा पाँचथरका रूपनारायण जवेगु, ताप्लेजुङका गजेन्द्रप्रसाद तुम्याहाङ, ओखलढुंगाका तेजेन्द्र खनाल, लमजुङका टकराज गुरूङ, सल्यानका केशवबहादुर विष्ट, डोल्पाका दीपेन्द्रबहादुर शाही, डडेल्धुराका भीमबहादुर साउद, म्याग्दीका खमबहादुर गर्बुजा, मुगुका ऐनबहादुर शाही, मनाङका शंकर गुरूङ देउवा, हुम्लाका मोहनविक्रम सिंह, बझाङका खड्क बोहरा, रामेछापका पूर्णबहादुर –कान्छाराम) तामाङ, जुम्लाका कर्णबहादुर शाही, जाजरकोटका बेदराज सिंह, डोटीका नरेन्द्रबहादुर सिंह, रूकुमका प्रेमप्रकाश वली, पर्वतका युवराज जोशी, इलामका डम्बरबहादुर खड्का, सुर्खेतका खड्ग पोखरेल, रूपन्देहीका रामकृष्ण खाण, कास्कीका किशोरदत्त बराल, काभे्रका तीर्थ लामा, तनहुँका जितप्रकाश आले, ललितपुरका जितेन्द्रकुमार श्रेष्ठ, कञ्चनपुरका पदम बोगटी, उदयपुरका हिमाल कार्की, भक्तपुरका दुर्लभ थापा, बर्दियाका अरूणप्रकाश सिंह राठौर, सोलुखुम्बुका नाम्गेल जाङ्बु शेर्पा, रसुवाका पेम्वाछिरिङ तामाङ, धनकुटाका दिनेश राई, कैलालीका नारायणदत्त भट्ट, मकवानपुरका बुद्ध लामा, पर्साका जनार्दनसिंह क्षेत्री, सर्लाहीका सुरेन्द्रप्रसाद सिंह, रौतहटका सुनिलकुमार यादव, अछामका पुष्पबहादुर शाह, बाराका राजेश राय यादव, सिरहाका रामचन्द्र यादव, धनुषाका योगेन्द्र पजियार र सिन्धुपाल्चोका जंगबहादुर तामाङ रहेका छन् ।
त्यस्तै शेखर पक्षबाट विजयी जिल्ला सभापतिहरूमा तेह्रथुमका अर्जुन तुम्बाहाम्फे, खोटाङका विष्णुकुमार राई, रोल्पाका किशोर आचार्य, भोजपुरका विनोद वान्तवा, प्युठानका विष्णुकुमार गिरी, अर्घाखाँचीका केशव श्रेष्ठ, काठमाडौंका कृष्णसबुज बानियाँ, बैतडीका चतुरबहादुर चन्द, दोलखाका बर्मा लामा, गोरखाका नन्दप्रसाद न्यौपाने, कालिकोटका अम्बबहादुर शाही, संखुवासभाका दीपक खड्का, रूकुमपूर्वका केशरमान रोका, मुस्ताङका रोमीगौचन थकाली, बाजुराका रामसिंह रावल, नुवाकोटका रमेश महत, नवलपरासी पश्चिमका अर्जुनकुमार पोखरेल, पाल्पाका हिमालदत्त श्रेष्ठ, स्याङ्जाका राजु थापा, दार्चुलाका ललितसिंह बोहरा, दाङका शंकरप्रसाद डाँगी, दैलेखका मणिराम रेग्मी, गुल्मीका खिलध्वज पन्थी, धादिङका रामनाथ अधिकारी, सुनसरीका केदार भण्डारी, कपिलवस्तुका अब्दुल कलाम खाँ, चितवनका राजेश्वर खनाल, महोत्तरीका नागेश्वर यादव, सिन्धुलीका उपेन्द्र पोखरेल, सप्तरीका रामदेव साह, मोरङका डिगबहादुर लिम्बू, बाँकेका नारायण गौडेल र नवलपुरका महेन्द्रध्वज जिसी रहेका छन् । त्यस्तै सिटौला पक्ष विजयी जिल्ला सभापतिहरू झापाका देउमान थेबे र बागलुङका जित शेरचन रहेका छन् ।
-1755862759.jpeg)
