लिबियाको राजनीतिक संकटबारे महासचिव गुटरेसको चासो

विश्व

Home
विश्व
लिबियाको राजनीतिक संकटबारे महासचिव गुटरेसको चासो

लिबियाको राजनीतिक संकटबारे महासचिव गुटरेसको चासो

प्रभाव संवाददाता सोमबार, फागुन २, २०७८

UN-Logo-660x330

संयुक्त राष्ट्रसंघ–संयुक्त राष्टसंघका महासचिव एन्टोनियो गुटर्रेसले लिबियामा स्थायित्वका लागि त्यहाँका सबै पक्ष लाग्नुपर्ने बताएका छन् । लिबियाको स्थायित्वका लागि त्यहाँका राजनीतिक दललाई आग्रह गरेका महासचिव गुटर्रेसका प्रवक्ताले प्रकाशन गरेको विज्ञप्तिमा जनाइएको छ । लिबियामा पछिल्लो समयमा राजनीतिक संकट चुलिँदै गएको छ । त्यसैले यस देशको स्थायित्व र राजनीतिक निकासका लागि सबै पक्षको सक्रियताको आवश्यकता रहेको सो विज्ञप्तिमा जनाइएको छ । लिबियामा गएको डिसेम्बर महिनामा राष्ट्रपतिको निर्वाचन हुने कार्यक्रम तय भएको थियो । तर, पछि सो निर्वाचन सम्पन्न हुन नसकेकाले यहाँ राजनीतिक संकट चुलिँदै गएको छ । संयुक्त राष्टसंघले यहाँ राजनीतिक संकट थप गहिरिन नदिनका लागि सबै पक्षसँग छलफल चलाएको बताइएको छ । गएको डिसेम्बरको पूर्वनिर्धारित समयमा राष्ट्रपतिको निर्वाचन सम्पन्न गर्न नसकेपछि यहाँ राजनीतिक स्थयित्वको प्रश्न उठेको छ । अहिलेको सरकार र संसद्को वैधानिकतामाथि पनि प्रश्न उठेको बताइएको छ । त्यसैले यहाँको पछिल्लो राजनीतिक अवस्थाका बारेमा सबै गम्भीर हुनुपर्ने भन्दै यहाँका सबै राजनीतिक दललाई महासचिव गुटर्रेसले आग्रह गरेको हो । (रासस/सिन्ह्वा)

प्रकाशित मिति: सोमबार, फागुन २, २०७८ ०६:१७

प्रतिक्रिया दिनुहोस्