धरान– प्रधानमन्त्री शेरबहादुर देउवाले धरान आङ्खनै पहिचान र छुट्टै विशिष्टता भएको सहर भएको बताएका छन् ।
मंगलबार धरान सहर १२१ औँ वर्ष पुगेको अवसरमा धरान उपमहानगरपालिकाले आयोजना गरेको ‘धरान दिवस’ कार्यक्रमलाई सम्बोधन गर्दै प्रम देउवाले शिक्षा, स्वास्थ्य तथा धार्मिक क्षेत्रमा धरानको आङ्खनै पहिचान भएको बताए ।
आङ्खनै विशिष्टताका कारण धरानले आङ्खनो १२१ औँ उत्सव मनाउन पाएको भन्दै उनले धरानको समग्र विकासका लागि सरकार सकारात्मक रहेको बताए । प्रधानमन्त्री देउवाले बिपी कोइराला स्वास्थ्य विज्ञान प्रतिष्ठानमा भएको समस्याबारे सरकारले अध्ययन गरिरहेको र चाँडै निकास निकाल्ने बताए । प्रतिष्ठानका कुलपतिसमेत रहेका प्रधानमन्त्री देउवाले प्रतिष्ठान सुधारमा सरकार लागि परेको बताए । उनले धरानलाई शिक्षा र स्वास्थ्यको ‘हब’ बनाइने बताए ।
नेपाली कांग्रेसको सभापतिसमेत रहेका उनले पार्टीलाई एक ढिक्का बनाउन आवश्यक रहेको बताए । पार्टीका नेता तथा कार्यकर्ता एक भएर अगाडि बढेमा मात्र पार्टीमा एकता कायम हुने उनको भनाइ थियो ।
सांसद जयकुमार राईले प्रधानमन्त्रीलाई धरानमा खानेपानी र बेरोजगारी समस्याका कारण व्यापारी, उद्योगी बसाइँ सरेको जानकारी गराए । उनले धरानको ऐतिहासिकतालाई जोगाउन समग्र विकासमा बजेट विनियोजन गर्न प्रधानमन्त्रीलाई अनुरोध गरेका थिए ।
त्यसैगरी प्रधानमन्त्री देउवाले सुनसरीको धरान–६ मा भेन्टर वेभ टु इनर्जी कम्पनीको करिब २६ करोडको लागतमा निर्माण हुन लागेको फोहोर व्यवस्थापन केन्द्रको उदघाटन गरेका थिए । सो कम्पनीले निर्माण गर्न लागेको फोहोर व्यवस्थापन केन्द्रबाट धरान उपमहानगरपालिकामा हुने फोहोरलाई प्रशोधन गरेर ग्यास उत्पादन गर्ने र उत्पादित ग्यास उपभोक्तालाई विक्री वितरण गर्ने तयारी रहेको छ । बीस वर्षपछि उक्त प्रशोधन केन्द्र उपमहानगरपालिकालाई कम्पनीले हस्तान्त्रण गर्नेछ । त्यसैगरी प्रधानमन्त्री देउवाले धरान–२ मा रहेको नेपाली कांग्रेस नगर पार्टी कार्यालयको समेत उदघाटन गरेका थिए ।
