तुलसीपुर– नेकपा (एकीकृत समाजवादी)का अध्यक्ष माधवकुमार नेपालले पाँच दलीय गठबन्धनले नै निर्वाचन सम्पन्न गराउने जानकारी गराएका छन् । शनिबार दाङको भालुवाङमा भएको पार्टीको लुम्बिनी प्रदेश बृहत् कार्यकर्ता भेलालाई सम्बोधन गर्दै उनले यस्तो जानकारी गराएका हुन् । उनले भने, ‘पाँच दलीय गठबन्धन सरकारले नै निर्वाचन सम्पन्न गराउने छ, ढुक्क हुनुहोस् ।’
उनले पाँच दलीय गठबन्धले नै राष्ट्रियसभामा साझा उम्मेदवार बनाएर जाने बताउँदै स्थानीय तहदेखि अन्य निर्वाचनमा पनि सँगै जाने बताए । तर अहिलेको निर्वाचन प्रणालीलाई सुधारको आवश्यकता रहेको उनको भनाई थियो । उनले एकीकृत समाजवादीलाई माओवादीमा विलय हुने भनी विभिन्न शंका गििरहेको बताउँदै समाजवादीको आफ्नै एउटा पहिचान भएको बताए । उनले भने, ‘समाजवादी प्रति गरेको शंका उपशंका वेर्थको हो ।‘
उनले अहिलेको परिस्थितीमा कुनै पनि एक दलको एकल बहुमत आउने सम्भावना ज्यादै न्यून भएकोले गठबन्धन गर्न आवश्यक रहेको बताए । उनले अबको केही समयमा स–साना वामपन्थी पार्टीबीच एकता हुने संम्भावना बढीरहेकोले वामपन्थि अझ बलियो हुने बताए । तर तत्काल कुनै पनि ठूला कम्युनिष्ट पार्टीसँग एकताको सम्भावना भने नरहेको उनको भनाई थियो । उनले साना केही दलसँग केही दिनमा नै एकता भएर समाजवादी अगाडी बढ्ने उनले बताए । उनले १३ गते अर्थात आउँदो मंगलबार काठमाडांैमा विभिन्न साना पार्टीसँग एकताको घोषणा गर्ने जानकारी दिए ।
अध्यक्ष नेपालले संघीयता, गणतन्त्रबाट पछि हट्न नसकिनेसमेत बताए । बरु संविधान तथा संघीयतालाई आवश्यकताअनुसार संशोधन गर्न सकिने बताए । त्यस्तै उनले एमसीसीको बारेमा बोल्दै एमसीसी हुबहु पारित गर्न नहुन जनाए । उनले एमसीसीको कति बुँदा नेपालको लागी हितकर नभएको जनाउँदै एमसीसी पास गर्दा वृहत छलफल आवश्यक रहेको उनको भनाई थियो । उनले आफुहरू स्वाभिमानमा आँच पुग्ने कुरामा कुनै पनि हालतमा नस्विकार्ने बताए । त्यस्तै नेपालको आन्तरिक मामिलामा अरुले हस्तक्षेप गर्ने वाताव।ण पनि कुनै पनि हालतमा हुन नहुने भन्दै छिमेकीलाई सशंकित गरी अरुको शैन्य गठबन्धनमा बाध्ने स्थिति बनाउन नहुने उनको धारणा थियो । उनले निःसर्त, शैन्य र सुरक्षाका कुरासँग नजोडिने विषयमात्रै स्वीकार्य हुनेसमेत बताए ।
