चितवन– नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहालले राजनीतिक दलहरू अदालतमा देखिएको समस्याप्रति चिन्तित रहेको बताएका छन् । उनले शनिबार पत्रकार सम्मेलनको आयोजना गरि आफ्नो चिन्ता व्यक्त गरेका हुन् । यनले पनि दलहरूले अदालतमाथि कुनै खालको दबाब र हस्तक्षेप गरेको कहीँ कतै नदेखियोस् भन्ने चाहना आफ्नो रहेको पनि बताए । अदालतमा देखिएको समस्याको समाधान अदालतभित्रबाट गरिनुपर्ने बताउँदै उनले भने, ‘अदालतको समस्या अदालतभित्रैबाट समाधान होस् भन्ने चाहना हो हाम्रो ।’
उनले गठबन्धनका तर्फबाट आफुहरूले बनाएको उच्चस्तरीय समितिको पहिलो औपचारिक बैठकले न्यायालयमा देखा परेको समस्याबारे गम्भीर ध्यानाकर्षण भएको र यसको गरिमा स्वतन्त्रतालाई अविच्छिन्न राख्ने गरी छिटोभन्दा छिटो समाधान होस् भन्न आफुहरूको चाहना रहेको पनि बताए । उनले चाँडै समस्या समाधान गर्न आग्रह गर्दै भने, ‘केही दिनभित्र नै समस्या समाधान हुने आशा छ ।’
उनले एमसिसीको विषयमा सर्वदलीय बैठकले टुङ्गो लगाउने बताउँदै एमसिसी त्यति ठूलो समस्या नभएकोले सर्वदलीय, सर्वपक्षीय छलफलबाट यसको टुङ्गो लाग्ने बताए । उनले नेकपा (एमाले)को महाधिवेशनपछि यस विषयमा छलफल गरेर अघि बढ्ने बताए । उनले सर्वदलीय बैठकमा यस विषयमा छलफल गर्ने बताउँदै सुरुआतमा गरिएको समझदारी र पछि भएको समझदारीमा देखिएको विवादमा मात्रै केही समस्या भएको बताए । पछिल्लो समय भएको समझदारीमा देखिएको अन्तरविरोधका कारण समस्या आएकोले एमसिसीको समस्या समाधान चाडै हुने विचार राखे । उनले अमेरिकी अनुदान फिर्ता जाओस् भन्ने आफुहरूको पनि चाहना नभएको भन्दै नेपाल र अमेरिकाबीचको सम्बन्ध ७५ वर्ष पुरानो रहेको जानकारी गराए ।
उनले शनिबारदेखि सुरु भएको वडा अधिवेशनले सहमतिमा नै नेतृत्व चयन गर्ने विश्वास व्यक्त गरे । वडा, नगर हुँदै हुने अधिवेशनलगत्तै राष्ट्रिय सम्मेलन तोकिएकै मितिमा हुने र नेपाल कम्युनिष्ट पार्टीसँग एकता हुन लागेको हजानकारी गराए ।
