काठमाडौं(प्रस)– स्वास्थ्य राज्यमन्त्रीमा उमेश श्रेष्ठ नियुक्त भएका छन् । प्रधानमन्त्री शेरबहादुर देउवाले श्रेष्ठलाई सिंहदरबारमा पद तथा गोपनीयताको शपथ गराएका हुन् ।
यसअघि राज्यमन्त्रीको शपथ राष्ट्रपतिको उपस्थितिमा प्रधानमन्त्रीले शीतल निवासमा गराउने परम्परा भए पनि यसपटक उक्त परम्परालाई तोड्दै सिंहदरबारमै पद तथा गोपनीयताको शपथ ग्रहण गराइएको हो । शपथग्रहण कार्यक्रममा अरु मन्त्री र मुख्य सचिवको उपस्थिति थियो ।
कोभिड–१९ को महामारीविरुद्ध स्वास्थ्य तथा जनसंख्यामन्त्री नियुक्त गर्नुपर्ने दबाबमा रहेका प्रधानमन्त्री देउवाले राज्यमन्त्री बनाएपछि विभिन्न अड्कलबाजीहरू हुन थालेको छ । प्रधानमन्त्री देउवालाई २९ असारमा मन्त्रिपरिषद् गठन गर्दा नै स्वास्थ्यमन्त्री नियुक्त गर्नुपर्ने दबाब थियो । सरकारलाई समर्थन गर्ने दलहरू मात्र होइन, उनकै पार्टी नेपाली कांग्रेस र पार्टीभित्र पनि संस्थापन समूहकै नेताहरूले कोरोना महामारीविरुद्ध लडाइ“को नेतृत्व गर्न सक्ने स्वास्थ्यमन्त्री नियुक्त गर्न सुझाएका थिए ।
तर, प्रधानमन्त्री देउवाले स्वास्थ्यमन्त्री नियुक्त गरेनन् । त्यसयता प्रधानमन्त्री देउवाले स्वास्थ्यमन्त्री कहिले नियुक्त गर्ने भन्ने प्रश्न झेलिरहे । तर, निजी विद्यालय सञ्चालकलाई स्वास्थ्य राज्यमन्त्री बनाएपछि एकाएक वातावरण फेरिएको छ ।
लिटिल एन्जल्स, आइडिया मोडल, स्मल हेभनलगायत विद्यालयका सञ्चालकका रूपमा चिनिएका श्रेष्ठ त्यत्तिमा मात्र सिमित छैनन् ।
स्वास्थ्यमन्त्री तत्कालका लागि राजनीतिक व्यक्तित्वबाट नै ल्याइनुपथ्र्यो तर यस्तो अवस्थामा व्यापारीलाई ल्याइ“दा अब सरकारप्रति आक्रोश बढ्न सक्छ । विज्ञ भनेर डा.युवराज खतिवडालाई अर्थमन्त्री बनाएर लोकप्रिय बन्न खोज्दा एमाले घरको न घाटको भएको छ । यहि घटना कांग्रेसमा पनि नदोहोरिएला भन्ने कुनै ग्यारेन्टी नभएको कतिपय कांग्रेसका नेताहरूले बताइरहेका छन् ।
खासमा राजनीतिक जोडघटाउका कारण स्वास्थ्य राज्यमन्त्री श्रेष्ठले बाजी मारेका हुन् । खोपलाई नै विषय बनाएर जो सुकैले राजनीतिक तहमा फाइदा लिने भएकाले खोपमा राजनीति नगर्ने व्यक्तिको खोजीमा प्रधानमन्त्री देउवा थिए, भन्छ बालुवाटर स्रोत । यो बेला राजनीतिक तहबाट मन्त्री बनाउने हो भने खोपलाई देखाएर राजनीतिक भ¥याङ चढ्न सजिलो हुने छ । यहि कुराको राम्रो ज्ञान भएका कृष्ण सिटौलाले पनि गगन थापाको स्थानमा उमाकान्त चौधरीको नाम अघि सारेपछि प्रधानमन्त्री देउवाले यहि बेला खेल खेल्न पाएको कांग्रेसभित्रै हल्ला चल्न थालेको छ ।
