‘पार्टीमा विवाद छैन’

राजनीति

Home
राजनीति
‘पार्टीमा विवाद छैन’

‘पार्टीमा विवाद छैन’

काठमाडौं– नेपाली कांग्रेसका सभापति शेरबहादुर देउवाले पार्टीमा कुनै विवाद नभएको स्पष्ट पारेका छन् । बुधबार स्वर्गीय नवीन्द्रराज जोशीको निधन भएको १३औँ दिनको पूण्यतिथिमा पार्टी कार्यालय सानेपामा आयोजित श्रद्धाञ्जलीसभामा बोल्दै सभापति देउवाले नेताहरूले पार्टी संकटमा रहेको भन्दै विभिन्न सार्वजनिक कार्यक्रमहरूमा बोलेको विषयलाई खण्डन गर्दै पार्टी कहिले पनि पनि संकटमा नरहेको स्पष्ट पारे । उनले पार्टीका नेता÷कार्यकर्तालाई आफैंले आफैंलाई कमजोर नबनाउन पनि आग्रह गरेका छन् । उनले भने, ‘यहाँ दोहोरी खेल्ने कुरा छैन । नेपाली कांग्रेस संकटमा हिजो पनि थिएन । आज पनि छैन । भोलि पनि रहँदैन ।’ उनले अगाडि भने, ‘नेपाली कांग्रेसको ऐतिहासिक जिम्मेवारी र भँमिका छ । यसलाई सबैले निभाउँदै गएका छौँ । पार्टी जित÷हारले संकटमा नभई धेरैपटक हामी हारेका छौँ । धेरैपटक जितेका पनि छौँ । त्यसैकारण हामीले डिमोरलाइज हुने काम छैन । आफैँले आफैँलाई कमजोर गर्ने काम पनि छैन । त्यसैले हाम्रो पार्टी संकटमा छैन ।’ यसैबीच, बुधबार नै झापा पुगेका सभापति देउवाले नयाँ सरकार बनाउन संख्या सुनिश्चित भइनसकेको बताएका छन् । संख्या निश्चित भए आफैँ प्रधानमन्त्री बन्नबाट नभाग्ने उनले बताए । ‘चाहेर मात्रै प्रधानमन्त्री हुइँदैन नि, त्यसका लागि संख्या चाहिन्छ,’ बुधबार झापाको बुद्धशान्ति गाउँपालिकामा निर्मित सहिद यामबहादुर आचार्यको शालिक अनावरण कार्यक्रममा देउवाले भने, ‘संख्या निश्चित हुनुपर्यो, संख्या ।’ उनले अघि भने, ‘संख्या निश्चित भएको खण्डमा पुनः धोका नहुने किसिमको हुनुपर्यो । हामी भाग्ने कुरा छैन ।’ नेपाली कांग्रेसको केन्द्रीय कमिटीले प्रधानमन्त्री केपी ओलीको राजीनामा माग्ने र आङ्खनै नेतृत्वमा नयाँ सरकार गठनको पहल गर्ने निर्णय गरिसकेको छ । तर, देउवाले अग्रसरता नलिएको नेताहरुले बताइरहँदा देउवाले भने माओवादी केन्द्रले समर्थन फिर्ता नलिएको बताए । ‘प्रधानमन्त्री बन्नु प¥यो सबैले भनेका छन् । भाग्न पनि खोज्या छैन म,’ उनले भने, ‘तर प्रचण्ड अहिलेसम्म ओलीकै सरकारमा छन् । शेरबहादुरलाई प्रधानमन्त्री बन्न पर्यो भन्छन् । सर्मथन फिर्ता लिएकै छैन । अब हेर्नुस् त, के पत्याउने ? समर्थन पहिले फिर्ता लिनु पर्यो नि ।’ तर, यता नेपाली कांग्रेसका वरिष्ठ नेता रामचन्द्र पौडेलले सभापतिबाट चासो नलिइँदा आङ्खनै नेतृत्वमा सरकार बनाउने कांग्रेसको निर्णय अलपत्र परेको बताएका छन् । एमाले अध्यक्ष केपी ओलीको नेतृत्वको सरकारलाई विस्थापित गरेर आङ्खनो नेतृत्वमा सरकार बनाउने प्रमुख प्रतिपक्षी दल नेपाली कांग्रेसको निर्णय अलपत्र परेको छ । ६ दिनअघि केन्द्रीय कार्यसमितिको बैठकले आङ्खनो नेतृत्वमा सरकार गठनका लागि अग्रसरता लिने निर्णय औपचारिक निर्णय लिए पनि कार्यान्वयनका गर्न नेताहरुले बेवास्ता गरेका छन् । माओवादी केन्द्रका अध्यक्ष पुष्पकमल दाहालले ओलीलाई विस्थापित गरेर नयाँ सरकार बनाउन सभापति देउवालाई पटक–पटक आग्रह गरे पनि उनी चासो दिएका थिएनन् । पार्टीभित्रैबाट वरिष्ठ नेता पौडेल पक्षले दबाब दिएपछि देउवाले निर्णय गराए पनि काम भने त्यसअनुसार नभएको नेताहरु नै स्वीकार गर्छन् । अनौपचारिक रुपमा जसपासँग कुरा गर्न नेता पौडेललाई जिम्मेवारी दिए पनि उनी सभापतिले नै चासो नदिँदा काम ठोस रुपमा अघि बढ्न नसकेको गुनासो गर्दै आएका छन् ।

प्रकाशित मिति: बिहीबार, चैत २६, २०७७ ०८:१३

प्रतिक्रिया दिनुहोस्