काठमाडौं– लामो समयदेखि तिक्ततापूर्ण सम्बन्ध रहेको नेकपा एमालेमा सोमबार अचानक अनौपचारिक बैठक बस्यो । अध्यक्ष केपी ओली र वरिष्ठ नेता माधवकुमार नेपाल आफू निकट नेताहरूसहित बैठकमा जुटेपछि धेरैले अब सहज वातावरण निर्माण हुने अपेक्षा गरेका थिए । लामो समयदेखि एकअर्कालाई सत्तोसराप गरिरहेका नेताहरूबीच भेटवार्ता हुादा कार्यकर्ता तहमा समेत आशा र उत्साह सञ्चार भएको थियो ।
तर, सोमबारको बैठकले नेताहरूबीचको सम्बन्धलाई हार्दिकतामा परिवर्तन गर्न सकेन । उक्त बैठकमा अध्यक्ष ओलीले ४ र ५ चैतमा नेपाल पक्षले आयोजना गरेको राष्ट्रिय कार्यकर्ता भेला रोक्दै गुटगत भेला तथा बैठक नगर्न आग्रह गरेका थिए । त्यस्तै नेपाल पक्षले ओलीलाई सर्वोच्च अदालतको फैसलाले पार्टी ३ जेठ ०७५ अघिको अवस्थामा पु¥याएको भन्दै त्यसयताका सबै निर्णय खारेज गर्न आग्रह गरे । मुलत अध्यक्ष ओलीले सर्वोच्चको फैसलापछि माओवादीबाट आएका नेताहरूलाई केन्द्रीय सदस्यमा थप गर्ने र पदाधिकारीको जिम्मेवारी खोस्दै इन्चार्जहरू परिवर्तन गर्ने निर्णय फिर्ताको माग गरेका थिए । तर, दुवै पक्ष आङ्खनो अडानमा अडिग रहे र अन्ततः बैठक निश्कर्षबिहीन बन्यो । सुरुमा सौहार्द देखिएको बैठक अन्तिमसमयमा आइपुग्दा आरोप प्रत्यारोपमै सिमित भयो । त्यसैले बैठकपछि वरिष्ठ नेता नेपालले ‘बैठकमा सुरुमा मिठो मिठो तर अन्तिममा टर्रो कुरा भएको’ प्रतिक्रिया दिएका थिए ।
सोमबारको बैठकले एमालेमा नेताहरूबीच सम्बन्ध सुधार हुने अपेक्षाविपरीत मंगलबार दुवै पक्षले अलग–अलग कार्यक्रम गरे । दुवैले अलग कार्यक्रममार्फत एकअर्कालाई कारबाहीको धम्की दिएका छन् । पार्टी अध्यक्ष ओलीले बालुवाटारमा चियापान कार्यक्रम आयोजना गरेका थिए । चियापानमा बालुवाटारले नेता नेपालपक्षलाई पनि निम्तो पठाएको थियो । एमालेका सबै नेतालाई एसएमएसमार्फत् निम्तो पठाइएपनि नेपालपक्षले चियापान बहिस्कार गरेको थियो । उक्त पक्षले ललितपुरमा बुधबारदेखि सुरु हुने कार्यक्रमबारे जानकारी दिन पत्रकार सम्मेलन आयोजना गरिरहेको थियो ।
करिब उस्तै समयमा भएका कार्यक्रममा दुवैले विधानविपरीत काम गरेको भन्दै कारबाही गर्ने चेतावनी दिइरहेका थिए । अध्यक्ष ओलीले भोलिको गुटगत भेलामा सहभागी नहुन नेता तथा कार्यकर्तालाई आग्रह गरेका छन् । पार्टीले माघ ७ गते केन्द्रीय कमिटिको बैठक बोलाए पनि त्यसअघि नै राष्ट्रिय कार्यकर्ता भेला बोलाएको भन्दै अनुशासनहीन काम गरेको खण्डमा विधानअनुसार कारबाही गरिने चेतावनी दिए ।
‘गुटगत भेला गर्ने, समूहलाई आङ्खनो पक्षमा लिएर पार्टीको विधान, अनुशासनविपरीत कार्यक्रम गरिएको खण्डमा विधानअनुसार कारबाही गरिनेछ,’ अध्यक्ष ओलीले भने, ‘सत्यसाग नलड्ने र निहु खोज्नेहरूसाग नझुक्ने नीति छ ।’
आजको चियापान कार्यक्रममा सहभागी नहुन भनेर गुटको बैठक नै बसाएर निर्णय गरेको सुन्नमा आएको भन्दै त्यस्तामाथि थप कदम चालिने ओलीको चेतावनी छ । ‘पार्टी अध्यक्षले बोलाएको चियापानमा आउनुहुन्न अनि कसले बोलाएको चियापानमा जानुहुन्छ ?’ उनले प्रश्न गरे । आङ्खनो नीति कसैप्रति पनि लाचार र रिस बैभवको भावना नरहेको भन्दै गलत गर्नेलाई कुनै पनि हालतमा नछाडिने बताए ।
विचार केन्द्रित अनुशासित, र संगठित भएर अगाडि बढ्नुपर्ने भन्दै ओलीले विचारको राजनीति गर्ने छुट सबैमा भएको बताए । तर, नेपाल पक्षले ‘अचाक्ली गरेको’ भन्दै उनले अब सहेर नबस्ने चेतावनी दिए । “कारबाही भोग्न लामबद्ध छौा” नेकपा एमालेका सचिव योगेश भट्टराईले केपी ओलीको कारबाही भोग्न आफूहरू तयार रहेको बताएका छन् ।
बुधवार सुरू हुने माधव नेपाल पक्षधर राष्ट्रिय कार्यकर्ता भेलाको सन्दर्भमा आयोजित पत्रकार सम्मेलनमा भट्टराईले इतिहासले ओलीलाई निर्मम कारबाही गर्ने चेतावनीसमेत दिए । भट्टराईले भने, ‘आज उहााले बालुवाटारबाट हामीलाई कारबाहीको धम्की दिनुभएछ । हामी एकपछि अर्को कारबाही भोग्न लामबद्ध भएका छौा । इतिहासले तपाईंलाई पनि कठोर कारबाही गर्नेछ र त्यो बेला तपाईंका निम्ति दुई थोपा आाशु झार्ने मान्छे पनि हुने छैनन् । त्यसैले धम्कीको भाषा नाबोलौा, दुई वर्ष बालुवाटारमा चैनका साथ बस्नुस्, बारुदका गन्ध नफैलाउनुस् ।’
भट्टराईले कार्यकर्ता भेलाको प्रमुख अतिथि भएर उद्घाटन गर्न ओलीलाई आग्रहसमेत गरे ।
