जनप्रतिनिधि र कर्मचारीलाई भौतिक कारबाही गर्ने चेतावनी
काठमाडौं– रुकुम पूर्व जिल्लाको पुथ्था उत्तरगंगा गाउँपालिकामा जनप्रतिनिधि र कर्मचारीको मिलेमतोमा अनियमितता भइरहेको नेकपा माओवादी (क्रान्तिकारी) ले आरोप लगाएको छ । गाउँपालिकाका प्रमुख, उपप्रमुख, प्रवक्ता र प्रशासकीय अधिकृतको समेत मिलेमतोमा व्यापक आर्थिक घोटला भएको सर्वसाधारणले आफूहरु समक्ष उजुर गरेको र पार्टीले छानबिन गर्दा उनीहरुमाथि लागेको आरोप सत्य भएको नेकपा माओवादी (क्रान्तिकारी) ले बुधबार जारी गरेको प्रेस विज्ञप्तिमा उल्लेख छ ।
नेकपा माओवादी क्रान्तिकारी, पश्चिम ब्युरो इन्चार्ज विधुरद्वारा हस्ताक्षरित विज्ञप्तिमा पटक पटक यस्ता प्रवृति नदोहोप्याउन आग्रह गर्दा आफ्नै पद र मतको दम्भ देखाएर बेवास्ता गरी उल्टै चुनौती दिएकाले यस्ता कार्यहरुलाई निस्तेज गरी सभ्य समाज बनाउन संगठनले कारबाही थालनी गर्ने उल्लेख छ ।
सो गाउँपालिकाको अध्यक्ष ओमप्रकास घर्ती, उपाध्यक्ष ओमकुमारी मल्ल (शाही), ८ नं. वडा अध्यक्ष तथा गाउँपालिकाको प्रवक्ता भीमबहादुर मल्ल तत्कालीन नेकपा.माओवादीका निर्वाचित पदाधिकारी हुन् ।
माओवादी क्रान्तिकारीले गाउँपालिकाका प्रशासकश्ीय अधिकृत रविन्द्र बुढा क्षत्री र प्राविधिकसमेतको मिलेमतोमा व्यापक आर्थिक घोटला भएको खुल्न आएको दाबी गरेको छ । गाउँपालिकामा नेकपाको बहुमत रहेको र संघीय, प्रदेश र स्थानीय तहमा समेत उनीहरुकै बहुमत भएको दम्भ देखाउँदै भूगोल र जनआवश्यकताहरुहरुको मध्यनजर नगरी आफूखुसी बजेट विनियोजन गर्ने गरेको पनि सो पार्टीले आरोप लगाएका छन् । यससम्बन्धि आरोपितहरुसँग प्रतिक्रिया लिनका लागि प्रभाव दैनिकले सम्पर्क गर्न खोज्दा अध्यक्ष घर्तीसँग सम्पर्क हुन सकेन भने कार्यकारी अधिकृत बुढा क्षत्रीले भने फोन उठाएनन् ।
विकास निर्माणको बजेटलाई पदाधिकार र कर्मचारीहरुले लिई बाँडी खाने र कागजी घोडा मिलाएर पेश्की फछ्र्योट गर्ने काम भइरहेको भनी परेको उजुरीमाथि पार्टीले छानबिन गर्दा सत्य देखिएको विज्ञप्तिमा उल्लेख छ । गाउँपालिकामा १० देखि २५ प्रतिशत कमिसन आफूहरुले लिई बाँडी खाने, दिगो विकास निर्माणको कार्य केही पनि हुन नदिने कार्य भइरहेको जनगुनासो व्यापक रुपमा आएको पनि सो पार्टीले जनाएको छ ।
साथै केही दलाल, जनप्रतितिधि र केही प्रहरी प्रशासनसमेतको मिलेमतोमा जिल्लाका कतिपय भागहरुमा अफिमजस्ता लागुऔषधको खेती गर्न उक्साएर केही सर्वसाधारणलाई जेल बस्न बाध्य बनाएको पनि विज्ञप्तिमा उल्लेख छ । यस प्रकारका गलत कार्यहरु भइरहेको जनगुनासो पार्टीसम्म आइपुगेकाले पटक–पटक यस्ता प्रवृति नदोहो¥याउन आग्रह गर्दा अटेर गरेकाले पार्टी कारबाहीमा उत्रनु पर्ने बाध्य भएको पनि विज्ञप्तिमा उल्लेख छ ।
