काठमाडौं- स्वतन्त्र ऊर्जा उत्पादकहरूको संस्था नेपाल (इप्पान) मा आबद्ध ऊर्जा उद्यमीहरूले भोटेकोशी नदीमा आएको बाढी प्रभावितहरूको उद्धार, राहत र पुनःर्निर्माणको लागि १३ करोड रुपैयाँ एक रकम बराबरको चेक हस्तान्तरण गरेका छन् ।
इप्पानमा आबद्ध ऊर्जा उद्यमीहरूको तर्फबाट संस्थाका अध्यक्ष मोहनकुमार डाँगीले सिंहदरबारस्थित मन्त्रालयमा आज आयोजित एक कार्यक्रमबीच ऊर्जा, जलस्रोत तथा सिँचाइमन्त्री विराजभक्त श्रेष्ठलाई सो रकम बराबरको चेक हस्तान्तरण गरे ।
ऊर्जा उद्यमीहरूले आआफ्नो तर्फबाट पनि सो रकम हस्तान्तरण गरेका थिए । ऊर्जा, जलस्रोत तथा सिँचाइमन्त्री विराजभक्त श्रेष्ठले जलवायु परिवर्तनको कारणले जलविद्युत् परियोजना भौगोलिक तथा विपद्का समस्या भोग्नुपरेकाले आगामी दिनमा जलवायु परिवर्तनमैत्री संरचना निर्माणमा ध्यान दिनुपर्ने बताए । उनले विपद्मा परेको बेला राज्यलाई आर्थिक सहयोग गरेर संकटको घडीमा साथसाथै रहेको भावना विकास गर्न सकेको बताए ।
इप्पानका अध्यक्ष डाँगीले ऊर्जा उद्यमीहरू संकटको घडीमा राज्यको विपद् कोषमा आर्थिक सहयोग गरेको बताए । उनले भोटेकोशी नदीमा आएको बाढीपहिरोबाट १३ वटा जलविद्युत् आयोजना प्रभावित भएको बताउँदै पीडितको घाउमा मलम लगाउने प्रयास गरेको बताए ।
ऊर्जा, जलस्रोत तथा सिँचाइ मन्त्रालयका सचिव सरिता दवाडीले ऊर्जा उद्यमीहरू आफैँ संकटमा परेको बेला आर्थिक सहयोग गरेर सह्रानीय काम गरेको बताए । इप्पानका निर्वतमान अध्यक्ष तथा ऊर्जा जलस्रोत तथा सिँचाइ मन्त्रीका सल्लाहकार गणेश कार्कीले बाढीले प्रभावित जलविद्युत् आयोजनाको उद्धारको लागि इप्पानको तर्फबाट प्राविधिक सहयोग गर्दै आइरहेको स्मरण गराए ।
राहत कोषमा उक्त रकम जम्मा गर्नेहरूमध्ये मोहनविक्रम कार्की समूहले एक करोड ६५ लाख रुपैयाँ र हिमप्रसाद पाठक तथा समूहले एक करोड ५१ लाख रुपैयाँ, पुष्पज्योति ढुङ्गाना तथा समूहले एक करोड सात लाख ७७ हजार ७७५ रकम रुपैयाँ हस्तान्तरण गरेका छन् ।
बटु लामिछाने तथा गणेश कार्की समूहले ८७ लाख ७७ हजार ७७७ रुपैयाँ, इशा श्रेष्ठ समूहले ६५ लाख , बुटवल पावर कम्पनी समूह र कम्पनीहरूले ५१ लाख ४१ हजार ९८६ रुपैयाँ, उत्तमब्लोन लामा तथा समूहले ५१ लाख, माउन्टेन इनर्जी नेपालले ५१ लाख रुपैयाँ, सुमन कर्माचार्य तथा समूहले ५० लाख रुपैयाँ र अजयबल्लभ पन्त तथा समूहले ५० लाख रुपैयाँ आर्थिक सहयोग गरेका छन् ।
त्यसैगरी टिएन आचार्य तथा समूहले २६ लाख रुपैयाँ, सन्तोषराज नेपाल तथा समूहले २५ लाख २५ हजार रुपैयाँ, मोहनकुमार डाँगी तथा समूहले २५ लाख रुपैयाँ , दिनेश गुरुङ तथा समूहले २५ लाख रुपैयाँ, अनुप आचार्य तथा समूहले २५ लाख रुपैयाँ, साङग्रिला ऊर्जा लिमिटेड र घलेम्द्री हाइड्रो लिमिटेडले २५ लाख रुपैयाँ रकम आर्थिक सहयोग गरेका छन् ।
रघुनाथ पुरी तथा समूह (गोरक्ष हाइड्रो) ले २५ लाख रुपैयाँ सहयोग गरेका छन् । त्यसैगरी उमेश श्रेष्ठ तथा समूहले (कालङ्गा गु्रप) ले २० लाख ७० हजार रुपैयाँ, कदम केसी तथा समूहले २० लाख १० हजार रुपैयाँ , अभिज्ञा मल्ल तथा समूहले २० लाख १० हजार रुपैयाँ, भुषण गुरागाँई तथा समूहले (न्यादी ग्रुप)ले २० लाख रुपैयाँ, बिजी ग्रुप तथा हाइड्रो सोलुसनले १५ लाख रुपैयाँ आर्थिक सहयोग गरेका छन् ।
बलराम खतिवडा तथा समूहले १५ लाख रुपैयाँ, गोपाल न्यूरे तथा समूह (संयुक्त ऊर्जा र चितवन इनर्जी) ले ११ लाख ११ हजार ११० रुपैयाँ, सुभास साङ्घाई र श्रीधर न्यौपाने (ग्रिन भेञ्चरर्स) ले ११ लाख रुपैयाँ, विक्रम विष्ट तथा समूह (इसुवा इनर्जी प्राली) ले १० लाख ५५५ रुपैयाँ, बाबुराम थापा (अभियान समूह) ले सात लाख ५१ हजार रुपैयाँ , नारायण कँडेल तथा समूहले पाँच लाख ५५ हजार ५५५ रुपैयाँले आर्थिक सहयोग गरेका छन् ।
केशवबहादुर रायमाझी तथा समूहले पाँच लाख ५५ हजार ५५५ रुपैयाँ, आत्माराम घिमिरे तथा समूह (लिबर्टी इनर्जी) पाँच लाख ५५ हजार ५५५रुपैयाँ , अर्जुन गौतम (अपरहेवा) ले पाँच लाख ५५ हजार ५५५ रुपैयाँ , सोमनाथ कँडेल तथा समूहले पाँच लाख नौ हजार ९९९ रुपैयाँ रकम आर्थिक सहयोग गरेका छन् ।
कृष्णप्रसाद घिमिरे तथा समूह (विकास हाइड्रो) ले पाँच लाख पाँच हजार ५५५रुपैयाँ , प्रकाश दुलाल तथा समूहले पाँच लाख पाँच हजार रुपैयाँ, सुमन जोशी तथा समूहले पाँच लाख रुपैयाँ, जगदिश शिवाकोटी तथा समूहले पाँच लाख रुपैयाँ , मकरीगाड हाइड्रोपावर लिमिटेडले पाँच लाख रुपैयाँ , दीपक पौडेल (सानीभेरी हाइड्रो) ले पाँच लाख रुपैयाँ, रिडी पावर तथा समूहले पाँच लाख रुपैयाँ , नर्थ समिट हाइड्रो लिमिटेडले पाँच लाख रुपैयाँ र सुपरहेवा पावर कम्पनी लिमिटेडले पाँच लाख रुपैयाँ आर्थिक सहयोग गरेका छन् ।
अपोलो हाइड्रोपावर लिमिटेडले तीन लाख रुपैयाँ, भिजन टेस्ला पावर प्रालीले दुई लाख रुपैयाँ, प्रतिमा ज्ञवाली तथा समूहले एक लाख रुपैयाँ, भरतखत्री तथा समूहले एक लाख, चिर्खवा हाइड्रोपावर तथा निको इनर्जीले एक लाख र चम्पावती हाइड्रोपावर लिमिटेडले ५० हजार रुपैयाँ सहयोग गरेका छन् । इप्पान दैवीप्रकोप उद्धार कोषले छ लाख ३२ हजार २३ रुपैयाँ रकम प्रधानमन्त्री दैविप्रकोप तथा उद्धार कोषमा सहयोग गरेका हुन् ।
