प्रदर्शनीमा करिब १० बैंक, वित्तीय संस्था र बिमा कम्पनी अटो लोन तथा सवारी बिमाका लागि उपस्थित हुन् छन् । विद्युतीय सवारीका लागि छुट्टै वित्तीय योजना उपलब्ध हुनेसमेत जानकारी दिइएको छ ।
काठमाडौं– यही भदौ ९ गतेदेखि भृकुटीमण्डपमा सुरु हुने ‘एचपी ल्युब्रिकेन्ट्स प्रिजेन्ट्स १८औं नाडा अटो शो २०२६’ को तयारी तीव्र हुँदै छ । आयोजकका अनुसार करिब तीन लाख वर्गफिट क्षेत्रफलमा आयोजना हुने अटो शोमा २०० भन्दा बढी स्टल रहने छन् ।
यसपटकको अटो शोमा २३ यात्रुवाहक, १७ हल्का व्यावसायिक र १३ दुईपाङ्ग्रे गरी ५३ सवारी ब्राण्ड सहभागी हुने भएका छन् ।
‘यो महिना नेपालले गाडी हेर्दै बितायो । अर्को हप्ता, गाडी किनेपछि आउने सबै कुरा हेर्न पाइने छ,’ आयोजकको भनाइ छ, ‘प्रदर्शनीस्थलमा रहने करिब ७० कम्पनीले चलाएर लैजान मिल्ने कुनै वस्तु बेच्दैनन् । तिनले टायर, ब्याट्री, इन्जिन आयल, हेलमेट, बेयरिङ, ग्यास्केट, फिल्टर, डाइग्नोस्टिक उपकरण, ग्यारेज टुल्स, जिपिएस तथा टेलिमेटिक्स प्रणाली, एसेसरिज र इभी चार्जिङ उपकरण उपलब्ध गराउँछन् ।’
प्रदर्शनीमा करिब १० बैंक, वित्तीय संस्था र बिमा कम्पनी अटो लोन तथा सवारी बिमाका लागि उपस्थित हुन् छन् । विद्युतीय सवारीका लागि छुट्टै वित्तीय योजना उपलब्ध हुनेसमेत जानकारी दिइएको छ ।
‘अटोमोबाइल उद्योगको यही हिस्सासँग नेपाली उपभोक्ता एक दशकसम्म जोडिन्छन् तर यही हिस्सा प्रदर्शनीमा देखिने अवसर लगभग कहिल्यै आउँदैन,’ आयोजकले भनेको छ, ‘गाडी छान्न तीन हप्ता लाग्छ, तर छानेको निर्णयसँग १० वर्ष बाँच्नुपर्छ । ती तीन हप्ता सोरुममा बित्छन् । ती १० वर्ष वर्कसप, बैंक, बिमा कार्यालय र टायर पसलमा बित्छन् ।’
प्रदर्शनीलाई चारपांग्रे, दुईपांग्रे, वित्तीय संस्था, अटो पार्टस् र ग्यारेज उपकरण गरी छुट्टाछुट्टै क्षेत्रमा विभाजन गरिएको आयोजकले जनाएको छ । पहिलो प्रश्नसँगै दोस्रो प्रश्न पनि एउटै भ्रमणमा सोध्न सकियोस् भन्ने उद्देश्यले यस्तो व्यवस्था गरिएको बताइएको छ ।
‘सहभागी सवारी ब्राण्डको भौगोलिक विविधता पनि उल्लेखनीय छ । युरोपेली इन्जिनियरिङसहितको स्कोडा, मलेसियाको राष्ट्रिय ब्राण्ड प्रोटोन र चेरी (ओमोडा तथा जेकु) एवं जिडब्ल्युएम लगायत चिनियाँ निर्माता । जापानी, भारतीय, कोरियाली, चेक, मलेसियाली र चिनियाँ मूलका सवारीसाधन एकअर्काबाट केही पाइला टाढा उभिने छन्,’ आयोजकको भनाइ छ ।
विदेशी सहभागीका लागि ‘इन्टरनेसनल बिजनेस प्याभिलियन’ र स्वदेशी उत्पादन तथा एसेम्बलीका लागि ‘मेड इन नेपाल ÷ मेड फर नेपाल’ प्याभिलियन छुट्याइएको छ ।
‘अटो शो भन्नेबित्तिकै गाडीले भरिएको हल भन्ने लाग्छ । तर हाम्रो प्रदर्शनीको ठूलो हिस्सा त ती गाडी वर्षौंसम्म चलाइराख्ने उद्योगले ओगटेको छ । त्यो उद्योग पनि देखिनुपर्छ,’ नाडाका अध्यक्ष सुरेन्द्रकुमार उप्रेतीले भने, ‘५० वर्षअघि नेपालको अटोमोबाइल उद्योगको प्रदर्शनी एउटा कोठामै अटाउँथ्यो । आज त्यसलाई तीन लाख वर्गफिट चाहिनुको कारण गाडी बढेरमात्र होइन उद्योग नै बढेकाले हो ।’
-1787143572.jpg)
