काठमाडौं– सरकारले यही १६ भदौदेखि आन्तरिक उडान पनि सञ्चालन गर्ने भएको छ । नजिकिएको चाडबाडलाई मध्यनजर गर्दै आन्तरिक उडान सञ्चालनको तयारी गरेको हो । तर, पहिलो चरणको उडान काठमाडौंबाट हिमाली तथा पहाडी भेगमा मात्र हुने भएको छ ।
‘लकडाउन’को पाँच महिनापछि निश्चित शर्तसहित नियमित अन्तर्राष्ट्रिय उडान सञ्चालन गर्ने निर्णय गरेसँगै सरकारले आन्तरिक पनि सोही मितिदेखि शुरु गर्ने भएको हो । नियमित अन्तर्राष्ट्रिय उडान पनि १६ भदौदेखि हुने भएको छ । त्यसका लागि उडान तालिकासमेत सार्वजनिक गरिएको छ ।
पर्यटन मन्त्रालयले सार्वजनिक गरेको अन्तर्राष्ट्रिय उडान तालिका अनुसार एक महिनामा ६० वटा नियमित उडान र २७ वटा चार्टर उडान हुने भएका छन् ।
मन्त्रालयका अनुसार नियमित उडानतर्फ मलेसियाको मालिन्दो एयर तथा मलेसियन एयरलायन्स, टर्किको टर्किस एयरलायन्स, हङकङको क्याथे ड्रयागन, कोरियाको कोरियन एयर, चीनको चाइना साउर्दन, एयर चाइना, साउदी अरबको एयर अरेबिया, कतारको कतार एयरवेज र दुबईको ङ्खलाई दुबई गरि १० वटा वायुसेवालाई उनीहरूका गन्तव्यबाट नियमित उडान भर्न अनुमति दिएको छ ।
त्यस्तै, स्वदेशी वायुसेवातर्फ नेपाल एयरलाइन्सलाई जापानको नारिता, दुबई, मलेसिया र हङकङ उडानको अनुमति दिएको छ । अर्को, हिमालय एयरलायन्सलाई चीनको छोङकुइन, मलेसिया र आबुदाबीमा उडानको अनुमति दिइएको छ । यो एक महिनाको अवधिमा १० विदेशी र दुई नेपाली गरी १२ वटा वायुसेवाले ६० वटा उडान गर्नेछन् ।
आन्तरिक उडानबारे संस्कृति, पर्यटन तथा नागरिक उड्डयनमन्त्री योगेश भट्टराईले भने, ‘दशंै, तिहारजस्ता चाडपर्वलाई मध्यनजर गर्दै आन्तरिक उडान पनि शुरु भएको हो ।’ पर्यटनमन्त्री भट्टराईले केही पहाडी तथा हिमाली जिल्लाबाट आन्तरिक उडान सञ्चालन गरिने जानकारी दिए । उनले भने, ‘अहिले देशका विभिन्न स्थानमा लकडाउन र निषेधाज्ञाको स्थिति भएकाले आन्तरिक उडान चलिहाल्ने अवस्था छैन । तर पनि मन्त्रालयकोतर्फबाट केही पहाडी र हिमाली जिल्लाबाट उडान सुचारु गर्नका लागि छलफलमै छौँ । निजी क्षेत्रका वायुसेवा कम्पनीसँग छलफल गरेर मन्त्रिपरिषद्मा प्रस्ताव लैजान्छौँ ।’
कोभिड–१९ महामारीको संक्रमणको जोखिमलाई मध्यनजर गर्दै तत्कालै तराईका जिल्लाका विमानस्थलमा आन्तरिक उडान नहुने पनि मन्त्री भट्टराईले स्पष्ट पारे । यसअघि १ भदौंदेखि आन्तरिक तथा अन्तर्राष्ट्रिय उडान शुरु गर्ने निर्णय गरेको सरकारले कोभिड–१९ को संक्रमण राजधानीसहित विभिन्न जिल्लामा बढेपछि पुनः उडान स्थगन गरेको थियो ।
हाल देशभर कोरोना संक्रमण बढिरहेको छ । आन्तरिक हवाई उडानबाट आउने जाने प्रायः काठमाडांैबाट तराई र तराईबाट काठमाडौं जाने नै बढी हुने भएकाले सम्भावित जोखिमलाई ध्यान दिदैँ अहिलेलाई मन्त्रालयले केही पहाडी र हिमाली जिल्लामा पूर्वदेखि पश्चिमसम्मका क्षेत्रमा आन्तरिक उडान परीक्षणको रूपमा सञ्चालन गर्ने गृहकार्य गरिरहेको छ । ‘यो १६ भदौबाट आनत्रिक उडान हुन्छ’, पर्यटनमन्त्री भट्टराईले भने ।
इस्तै, सरकारले सहजै कोरोना परिक्षण गर्न पाउने मुलुकबाट म्ँत्त नियमित उडान र अन्य मुलुकबाट चार्टर उडान गर्ने शर्तसहित अन्तर्राष्ट्रिय उडान सुरु गर्ने निर्णय गरेको छ । दैनिक ५०० यात्रु नबढ्नेगरी अन्तर्राष्ट्रिय उडान हुनेछ । मन्त्रालयल त्रिभुवन अन्तर्राष्ट्रिय विमानस्थल सञ्चालन गर्ने नागरिक उड्डयन प्राधिकरणलाई कोभिड–१९ को माहामारी कायमै भएकाबेला नियम तथा शर्तहरू पालना गराउँदै उडान गराउन निर्देशन दिएको हो ।
मन्त्रालयका अनुसार कोभिड–१९ परीक्षण सहज नभएका मुलुकबाट नियमित उडान खुला गरेको छैन । तर, ती मुलुकमा अलपत्र परेका नेपाली ल्याउन एक महिनामा २७ वटा चार्टर उडान गर्न अनुमति दिएको छ ।
नेपालमा १० चैतबाट सबै प्रकारका व्यवसायिक उडान बन्द छन् । ११ चैतदेखि ६ साउनसम्म देशभर बन्दाबन्दी लागू गरिएको थियो । सरकारले विभिन्न देशबाट स्वदेश फर्किने नागरिकले नेपाल आएपछि ७ दिन आङ्खनै खर्चमा होटल क्वारेन्टिनमा बस्नुपर्ने निर्णय गरेको छ । पिसीआर परीक्षण नगरी नेपाल आउने नागरिकले होटल क्वारेन्टिनमा बस्नुपर्नेछ । होटलहरू पर्यटकस्तर, बुटिक होटल र महँगा तारे होटल तय गरिएको छ ।
