काठमाडौं– बिहीबारदेखि जारी निषेधाज्ञाका कारण काठमाडौं उपत्यका सुनसान बनेको छ । निषेधाज्ञाको पहिलो दिन उपत्यकाको सडक, गल्ली र बजार सुनसान बन्यो । अत्यावश्यकबाहेक हि“डडुलमा समेत रोक लगाइएपछि सडक र बजार सुनसान बनेको हो ।
कोरोना संक्रमण बढ्दै गएपछि नियन्त्रण तथा रोकथामका लागि उपत्यकाका तीन जिल्लाको प्रमुख जिल्ला अधिकारीहरूको बैठकले एक साता उपत्यकामा निषेधाज्ञा जारी गर्ने निर्णय गरेको थियो । १० भदौको राति १२ बजेसम्म जारी निषेधाज्ञामा सुरक्षा जा“च निकै कडा पारिएको छ ।
यसैबीच निषेधाज्ञाको पूर्ण पालना गर्न मेयर फोरमले सर्वसाधारणलाई आग्रह गरेको छ । उपत्यका मेयर फोरमका अध्यक्ष एवं काठमाडौं महानगरपालिकाका प्रमुख विद्यासुन्दर शाक्यले निषेधाज्ञाको अवस्थामा कोही पनि घरबाहिर ननिस्कन अपिल गरेका हुन् । सरकारले जिल्ला प्रशासन कार्यालयमार्फत एक निषेधाज्ञा जारी गरेकाले त्यसलाई पूर्ण पालना गर्न महानगरपालिकाका प्रमुख शक्यले अपिल गरेका छन् । उनले अत्यावश्यकबाहेक घरबाहिर जान परेमा स्वास्थ्य सुरक्षाका मापदण्ड अपनाएर मात्र निस्कन आग्रह गरेका छन् ।
त्यस्तै कोरोनाको संक्रमण जीवित रहेको अवस्थामा कोही पनि व्यक्ति काठमाडौंबाट बाहिर नगइदिन र कोही पनि व्यक्ति काठमाडौं नआइदिन समेत अनुरोध गरिएको छ । यदि कोही व्यक्ति आइसकेको छ भने नजिकको वडा कार्यालय वा प्रहरी कार्यालयमा जानकारी गराइदिन समेत उनले अनुरोध गरे ।
साथै, आफ्नो छिमेकमा कोही व्यक्ति काठमाडौं बाहिरबाट आएको थाहा पाएमा तत्काल वडा कार्यालय तथा प्रहरी कार्यालयमा सूचना गरिदिनसमेत प्रमुख शाक्यले आग्रह गरेका छन् । यदि कोही व्यक्तिलाई कोभिडसँग मिल्दोजुल्दो लक्षण देखापरेमा नजिकको स्वास्थ्य संस्थामा सम्पर्क गर्नसमेत उनले अनुरोध गरेका छन् ।
स्वास्थ्य कार्यालयमा जान असमर्थ भएमा वडा कार्यालय अथवा नजिकको प्रहरी कर्यालयमा जानकारी गराउन अथवा काठमाडौं महानगरपालिकाको आर्थिक सहयोगमा सञ्चालित नेपाल एम्बुलेन्स सेवाको फोन नम्बर १०२ मा सम्पर्क गरेर अस्पतालसम्म जानसक्ने बताए । पीसीआर परीक्षण गर्न स्वाब संकलन गरेपछि पनि बजारमा घुम्ने प्रवृति भएको र कतिपयले गलत सूचना दिएकाले कन्ट्याक ट्रेसिङमा समस्या भएको उनको भनाइ छ ।
मृत्यु हुनेको संख्या १२६ पुग्यो
नेपालमा पछिल्लो समय कोरोनाभाइरसको संक्रमण दिनदिनै थपिन थालेका छन् । बिहीबारमात्रै देशभरी ७०७ जना नया“ संक्रमित थपिएका छन् । यससँगै नेपालमा कोरोना संक्रमितको संख्या २९ हजार ६४५ जना पुगेका छन् ।
पछिल्लो २४ घण्टामा देशभरी ७०७ जना नया“ संक्रमित फेला परेकाको बिहीबार स्वास्थ्य मन्त्रालयका प्रवक्ता डा. जागेश्वर गौतमले जानकारी दिए । उनका अनसार बिहीबार थपिएकामध्ये १९२ महिला र ५१४ पुरुष रहेका छन् । तीमध्ये काठमाडौं उपत्यकामात्रै दुई सय जनामा संक्रमण पुष्टि भएको छ । योसहित हालसम्म नेपालमा संक्रमितको संख्या २९ हजार ६४५ पुगेको मन्त्रालयले जनाएको छ ।
यस्तै, पछिल्लो २४ घन्टामा कोरोनाभाइरस संक्रमणबाट नेपालमा थप ६ जनाको मृत्यु भएको छ । योसहित हालसम्म कोरोनाबाट मृत्यु हुनेको संख्या १२६ पुगेको स्वास्थ्य मन्त्रालयले जनाएको छ ।
