काठमाडौं - नेपाल आदिवासी जनजाति महासंघ (नेफिन) को ११ औँ महाधिवेशनबाट नवनिर्वाचित कार्यसमितिले ३९ बुँदे कार्य याेजना सार्वजनिक गरेकाे छ । नवनिर्वाचित अध्यक्ष निमा लामा नेतृत्वको २१ सदस्यीय संघीय परिषद् सचिवालयले संगठनको आगामी हुने विभिन्न महत्वपूर्ण कार्यदिशा तय गर्दै मंगलबार नेफिनकाे कार्यलयमा पत्रकार सम्मेलन गरी जानकारी गराएकाे हाे ।
गत चैत ५, ६ र ७ गते भएकाे ११ औँ महाधिवेशनले नेफिनको ऐतिहासिक राष्ट्रिय महाधिवेशन काठमाडौंमा भव्य रूपमा सम्पन्न भएकोमा महासंघले धन्यवाद ज्ञापन गरेको छ। नव-निर्वाचित नेतृत्वले आदिवासी जनजातिको अधिकार, पहिचान र स्वशासन सुनिश्चित गर्न सशक्त पहल गर्ने प्रतिबद्धता जनाएको छ। आदिवासी जनजाति समुदायका अधिकार, पहिचान र समावेशी राज्य निर्माणका मुद्दालाई पुनः केन्द्रमा ल्याएको छ।महासंघका महासचिव विमल सारु मगरले नेफिनले जारी गरेकाे प्रेस विज्ञप्ति प्रस्तुत गरेका थिए । महासचिव मगरले नेफिनकाे आगामी ३९ लकार्य याेजना प्रस्तुत गरेका थिए ।
महाधिवेशनले आदिवासी जनजातिको न्यून प्रतिनिधित्वप्रति चिन्ता व्यक्त गर्दै राज्यका सबै तहमा समानुपातिक समावेशी प्रतिनिधित्व सुनिश्चित गर्न माग गरेको छ। साथै, जनजाति आन्दोलनमा देखिएका चुनौतीहरू र अवसरहरूबारे पनि गम्भीर समीक्षा गरिएको थियो। महासंघले आगामी दिनमा आदिवासी जनजाति समुदायको हक, अधिकार र समृद्धिका लागि विभिन्न कार्यक्रम तथा अभियान सञ्चालन गर्ने जनाएको छ। राज्यसँग निरन्तर संवाद र सहकार्यमार्फत नीति निर्माण र कार्यान्वयनमा प्रभावकारी भूमिका निर्वाह गर्ने लक्ष्य लिएको छ।
कार्यक्रममा नेफिनकाे आफ्नै भवन यही कार्यकालमा नै निर्माण गरी पहिचान स्थापना गर्ने महासंघका अध्यक्ष निमा लामा ह्याेल्माेले बताएका छन् । उनले भने , 'एक नम्बरमा सोध्ने गरेको प्रश्न, तपाईंको नाम के हो भनेर पहिला तपाईंको नाम सोध्न थाल्छन्। त्यसपछि सोधिने प्रश्न भनेको के हो भने तपाईको ठेगाना कहाँ बस्नुहुन्छ ? भन्ने आउने हुनाले हामी हाम्रा पहिचानकाे लागि भवन निमार्ण गर्न लागिपरेका हाैँ । महासंघ ,हाम्रो प्रदेश र संघीय सरकारहरूकाे सहयोग लिएर त्यो भवन बन्नेछ । '
कार्ययाेजना यस्ताे छ:
