सिन्ह्वा- दक्षिण कोरियाको औद्योगिक उत्पादन वृद्धि सन् २०२५ मा पाँच वर्षमा सबैभन्दा कम भएको छ । तथ्यांक मन्त्रालयका अनुसार, पहिलो अर्धवार्षिक राजनीतिक अनिश्चितताको कारण औद्योगिक उत्पादन सूचकांक केवल ०.५ प्रतिशतले मात्र बढेको हो ।
यो वृद्धि २०२० पछि सबैभन्दा न्यून छ । गत वर्षको सुस्त वृद्धि मुख्य रूपमा राजनीतिक अस्थिरताका कारण भएको बताइएको छ । नयाँ सरकार गत वर्ष जूनमा आकस्मिक राष्ट्रपति निर्वाचन मार्फत पदभार ग्रहण गरेको थियो । निर्माण उद्योगको उत्पादन १.७ प्रतिशतले बढेको छ । तथा, सेवा क्षेत्रको उत्पादन भने १.९ प्रतिशतले बढेको छ ।
निर्माताहरूले सन् २०२५ मा औसत क्षमता ७२.८ प्रतिशत कायम राखेका छन्, जुन अघिल्लो वर्षको ७२.७ प्रतिशतभन्दा थोरै बढी छ । उक्त वृद्धि नयाँ सरकारले दोस्रो अर्धवार्षिकमा प्रदान गरेको नगद सहायता कार्यक्रमका कारण भएको बताइएको छ ।
डिसेम्बर सन् २०२५ मा कृषि, पशुपालन र मत्स्य पालन क्षेत्र बाहेक सबै उद्योगको उत्पादन सूचकांक अघिल्लो महिनाको तुलनामा १.५ प्रतिशतले बढेको छ । त्यस्तै, खुद्रा बिक्री सूचकांक ०.९ प्रतिशतले बढ्दा सुविधा लगानी ३.६ प्रतिशतले घटेको छ ।
आगामी आर्थिक अवस्था अनुमान गर्ने प्रमुख आर्थिक सूचकांक ०.६ अंकले बढेर १०३.१ पुगेको छ भने हालको आर्थिक अवस्था मापन गर्ने समसामयिक सूचकाक ०.२ अंकले घटेर ९८.५ पुगेको छ ।
