काठमाडाैं - विश्व सम्पदा सूचिकृत पवित्र बौद्धनाथ क्षेत्रमा रहेका बौद्ध तथा मेलम्ची घ्याङ गुठीका प्रमुख रिन्पोछे चिनिया लामा भुपतिबज्र लामाले बौद्धको महिमा जोगाउन सक्रियता बढाइएको छ । बिहिबार आयोजित पत्रकार सम्मेलनमा धर्मगुरु चिनिया लामाले सो कुरा बताएका हुन् ।
बौद्ध क्षेत्रमा अतिक्रमण भएका जग्गाहरुको लेखाजोखा एवम् संरक्षण गर्न खोज्दा बौद्धनाथ क्षेत्र विकास समिति वाधाक बनेको उल्लेख गर्दै गुठीको नाममा रहेको जग्गामा समेत विवाद ल्याउने कार्य गरेको बताए । पछिल्लो समयमा गुठीको जग्गाहरु अतिक्रमण गरि केही स्वार्थ समूहहरुले व्यापारिक संरचना बनाउने, दैनिक रुपमा सञ्चालन गर्दै आइरहेको धार्मिक पूजा कार्यमा समेत अवरोध सिर्जना गरिहेकोले त्यस्त गलत गतिविधि रोक्न गुठीले सक्रियता देखाइएको बताए ।
बौद्धको धार्मिक अस्तित्वलाई जोगाइ धार्मिक पर्यटन विकासमा टेवा पुर्याउन सञ्चार माध्यमको विशेष भूमिका रहेको उल्लेख गर्दै सहि र तथ्यपरक सूचना सम्प्रेसन गराउन प्रमखु लामाले आग्रह गरे । धर्म र सम्प्रदाय जोडिएको विषयवस्तुको अध्ययनविना समाचार प्रकाशन गर्दा आम नागरिकमाझ भ्रम सिर्जना हुने र पत्रकारिताको विश्वासनीयतामाथी प्रश्न उठ्ने गरेको भन्दै धार्मिक सम्प्रदायिक एवम् धार्मिक संवेदनशीलतालाई ख्याल गर्नुपर्ने बताए ।
केही दिनअघि चिनिया लामा र गुठीको विषयमा केही सञ्चार माध्यममा आएको समाचारलाई खण्डन गर्दै वास्तविक र तथ्यपरक बुझेर मात्र सूचना सम्प्रशन गर्नुपर्ने बताए । बौद्ध तथा मेलम्ची घ्याङ गुठीले सम्पादन गर्दै आइरहेको कार्यलाई क्षेत्र विकास समितिले पटक पटक अवरोध पुर्याइएको आरोप छ । गुठीको स्वामित्वमा धनीपूर्जा समेत रहेको जग्गा तथा बौद्ध पोखरीको जग्गालाई क्षेत्र विकास समितिले अवैध रुपमा नाम स्तान्तरण गर्न खोजिएको बताए । अहिले अतिक्रमित जग्गाहरुको लेखाजोखा तथा संरक्षणको कार्य भइरहदा आफ्नो गलत कार्य छोपाउन केही तत्वहरुले मिडिया परिक्षण समेत गरिरहेको लामा गुरुको भनाई रहेको छ ।
बौद्धनाथ क्षेत्र विकास समितिका अध्यक्ष राजकुमार लामाले घ्याङ गुठीको मातहतमा रहेको बौद्ध स्तूपमाथी जाने गेटको ताला चाबी जबरजस्त काटी धार्मिक मूल्य मान्यता विपरीत मण्डलामाथी सार्वसाधारणलाई प्रवेश गराइ टिकटक बनाउने, युगल जोडीको डेटिङ स्थलको रुपमा सामाजिक विकृतितर्फ उन्मुख गराइएको आरोप छ । अध्यक्ष राजकुमार लामाको सो कार्यलाई बौद्ध धर्मलम्बी तथा स्थानीयवासीहरुले चौतर्फी विरोध गरेका छन् ।
गुठीको अस्तित्व र पहिचानलाई नमेट गर्ने मनशायले नीज व्यक्ति र समूहहरु लागेर सिंगो बौद्ध समुदायमाथी नै आँच आउने कार्य गरिरहेको उल्लेख गर्दै नेपाल सरकारको राजगुठीको ऐतिहासिक स्तूपलाई बौद्धनाथ क्षेत्र विकास समितिले आफ्नो स्वामित्वमा लालपूर्जा समेत ल्याउन सम्बन्धित सरकारी कार्यालयमा निर्देशनात्मक दबाब दिदै आइरहेको खुल्न आएको छ ।
स्तूपमा फलेको बुद्धचित्ता माला ब्यापारिक उद्देश्यले चोरी गर्ने, सिसिटिभि फुटाउने, विगार्ने र प्रवेशद्धारहरुमा उच्च अदालतको फैसला विपरित विदेशीहरुसंग प्रवेश शुल्का उठाउने, होडिङ बोर्डिङ राखी स्तूप कुरुप पार्ने, लामा तथा भिक्षुहरुलाई गालीबेईजती गर्ने, गुम्बाको शौचालय लगायत भौतिक सम्पत्ति भत्काइ गुठी सम्पत्तिमाथी हालीमुहाली गरेर गुठी लोप र धर्मलोप गराउने कार्य भइरहेको भन्दै बौद्ध स्तूप, गुठी जग्गा तथा सम्पत्तिको संरक्षण, छानविन र खोजनीति गर्ने क्रममा त्यस प्रकारको आरोप आएको स्पष्ट पारे ।
