एथेन्स- ग्रीसको नागरिक उड्डयन प्रमुख क्रिस्टोस डिमासले बुधबार राजीनामा दिएको छ । जनवरी ४ मा हवाई क्षेत्र ‘ब्ल्याकआउट’ भएका कारण घण्टौँसम्म उडानहरू अवरुद्ध भएकोप्रति जिम्मेवारी लिँदै राजीनामा दिएका हुन् ।
राजीनामाबारे मन्त्रालयले जारी गरेको विज्ञप्तिमा भनिएको छ, “नागरिक उड्डयन प्राधिकरण (वाइपिए) का गभर्नर जर्ज सौनात्सोसले पूर्वाधार तथा यातायातमन्त्री डिमासलाई राजीनामा बुझाएका छन् । यो घटनाबारे ग्रीस सरकारको आधिकारिक रिपोर्टले विश्वको शीर्ष यात्रा गन्तव्यहरू मध्ये एक एथेन्स अन्तर्राष्ट्रिय विमानस्थलमा ‘अप्रचलित प्रविधि’ मा गडबडी भएको आरोप लगाएको केही घण्टापछि यो कदम चालिएको हो।
वाइपिएका अनुसार खराबी जनवरी ४ तारिखमा बिहान ८ः५९ सुरु भएको थियो । एजेन्सीका ट्रान्समिटरहरूले ‘अनैच्छिक सङ्केत’ पठाउन थालेपछि एथेन्सको हवाई क्षेत्रमा सेवा गर्ने धेरै रेडियो ‘फ्रिक्वेन्सी’हरू निरन्तरको ‘पीडादायी’ हस्तक्षेपबाट प्रभावित भएका थिए । गत वर्ष एथेन्स अन्तर्राष्ट्रिय विमानस्थलले लगभग तीन करोड ४० लाख यात्रुहरूलाई सेवा दिएको थियोे, जुन अघिल्लो वर्षको तुलनामा ६.७ प्रतिशतले वृद्धि हो ।
प्राविधिक गढबढीपछि सयौँ उडानहरू छिमेकी देशहरूमा डाइभर्ट गर्नुपरेको र हजारौँ यात्रुहरू प्रभावित भएका थिए। समस्याबारे पूतिक्रिया दिँदै वाइपिएले यो समस्या ‘अकल्पनीय’ भएको बताएको थियो। अधिकारीहरूले एथेन्सको हवाई क्षेत्रमा चाँडै ट्राफिक खाली गरिएको र उडान सुरक्षामा सम्झौता नगरिएको बताएका छन्।
यो प्रणाली सोही दिनको साँझ ५ बजेसम्म पूर्ण रूपमा सञ्चालनमा फर्कियो थियो भने ४५ मिनेटपछि उडानहरू पुनःस्थापित भएका वाइपिएलले जनाएको छ। “घटनाबारे भएका अनुसन्धानमा साइबर आक्रमण वा जानाजानी तोडफोडको कुनै सङ्केत फेला परेको छैन,” वाइपिएले जनाएको थियो ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)