गुल्मी- बेलायतस्थित गुल्मी जिल्ला समाजले फरक क्षमता भएकी इस्मा गाउँपालिका-३ की ४२ वर्षीया बीना नेपालीलाई रु ५० हजार र गुल्मीदरबार गाउँपालिका-५ का २४ वर्षीय रवीन रानालाई पनि त्यति नै नगद प्रदान गरेको छ ।
समाजले अपाङ्गता दिवसका अवसरमा उनीहरूलाई आर्थिक सहयोग गरेको हो । साथै समाजले फरक क्षमताकी नेपालीका निम्ति अपाङ्गमैत्री शौचालय पनि निर्माण गरिदिएको छ ।
यसैगरी, समाजले सत्यवती गाउँपालिका-४ का अशक्त ईश्वर शर्मा, अनुज ज्ञवाली र गुल्मीदरबार गाउँपालिका-५ का नेत्रबहादुर रानालाई पनि जनही रु ५० हजार प्रदान गरेको छ ।
समाजले बुधबार एक विज्ञप्ति निकालेर सत्यवती बहुमुखी क्याम्पसलाई रु एक लाख, आशा अपाङ्ग केन्द्रलाई एक लाख रुपैयाँ, रेडियो पुष्पाञ्जलीलाई ५० हजार रुपैयाँ र रुरुक्षेत्रमा रहेको अटिजम पाठशालालाई ५० हजार रुपैयाँ प्रदान गरेको जनाएको छ ।
