बर्लिन- जर्मनीमा सन् २०२४ मा प्रहरी अधिकारीमाथि हुने हिंसात्मक घटनाको सङ्ख्या हालसम्मकै उच्च स्तरमा पुगेको छ । सङ्घीय आपराधिक प्रहरी कार्यालय (बीकेए) का अनुसार गत वर्ष यस्ता घटनाहरू ०.३ प्रतिशतले वृद्धि भई ४६ हजार ३६७ पुगेका छन् ।
आधिकारिक तथ्यांकअनुसार अधिकांश घटनामा कानुन कार्यान्वयनमा प्रतिरोध तथा प्रत्यक्ष शारीरिक आक्रमण समावेश छन् । साथै धम्की, दबाब र जानाजानी चोट पुर्याउने कार्यलाई पनि हिंसाका रूपमा वर्गीकृत गरिएको छ ।देशभर एक लाखभन्दा बढी प्रहरी अधिकारीहरू हिंसात्मक घटनाबाट प्रभावित भएका छन्, जुन सन् २०१५ को तुलनामा उल्लेखनीय वृद्धि हो ।
पहिचान गरिएका शंकास्पदमध्ये धेरैजसो पुरुष रहेका छन् भने करिब एक तिहाइसँग जर्मन नागरिकता छैन ।गृहमन्त्री अलेक्जेन्डर डोब्रिन्ड्टले प्रहरी तथा आपतकालीन सेवाकर्मीमाथि हुने हिंसा दैनिक चुनौती बनेको बताएका छन् । सरकारले सजाय कडा बनाउने, कानुनी प्रक्रिया छिटो बनाउने र सुरक्षाकर्मीहरूको सुरक्षा मजबुत पार्ने उद्देश्यले नयाँ कानुनी सुधार ल्याउने तयारी गरिरहेको छ ।
