काठमाडौं - प्रमोद चौधरीले आफ्नाे जन्मदिनमा काठमाडौ पशुपतिनाथमा रुद्राक्ष रोपेका छन् । प्रमोद चौधरीले जन्मदिनलाई सत्कर्ममा जोडौ अभियान अन्तर्गत नेपाल सरकारका गृहसचिव रामेश्वर दङ्गालको उपस्थितिमा पशुपतिनाथको भण्डारखालमा रुद्राक्षको वृक्ष रोपेर जन्मोत्सव मनाएका हुन् ।
आज परेको जन्मदिनमा समाजसेवी प्रमोद चौधरीलाई तराई बिकास तथा संचार केन्द्र नेपालले जन्मोत्सवको भब्य शुभकामना दिँदै वृक्ष रोपण कार्यक्रम सम्पन्न गरेको छ। आजको कार्यक्रममा नेपाल सरकारका गृह सचिब दङ्गालले कपुरको बृक्ष रोपेर अभियानलाई एक्यवद्धता जनाउदै आज जन्मदिन पर्ने चौधरीलाई जन्मोत्सवको शुभकामना दिएका थिए।पशुपतिनाथ क्षेत्रमा आयोजना गरिएको कार्यक्रम लाई सम्बोधन गर्दै गृहसचिब दङ्गालले सत्कर्मको काम स्वयं आफै बाट थालनी गर्नुपर्ने बताउदै यस्ता अभियान देशैभर चल्नुपर्छ भन्दै सबैलाई जोडिन आग्रह गरेका छन् ।
कार्यक्रममा अभियानका राष्ट्रिय संयोजक गोबिन्दप्रसाद चौलागाईंले सहभागी सबैलाई धन्यवाद दिदै आज जन्मदिन परेका सत्कर्ममा जोडिएका समाजसेवी चौधरी सहित सबैलाई शुभकामना दिएका थिए । कार्यक्रममा राष्ट्रिय चर्चित गायक थानेश्वर गौतम ,नवीन कार्की गितकार प्रभा बर्तौला,नेपाल समाचारपत्रका प्रधान सम्पादक सागर पण्डित ,प्रभाव दैनिकका प्रबन्ध निर्देशक / प्रकाशक कृष्ण कार्की वरिष्ठ समाजसेवी लक्ष्मिनारायण चौधरी , सिन्धुपाल्चोकका नेत्रबहादुर बस्नेत ,जेनजी युवा प्रतिनिधि लगायतका उच्च ब्याक्तित्वको बाक्लो उपस्थिति रहेको थियाे ।
कार्यक्रमबीच गायक थानेश्वर गौतमले आफ्नो गायन प्रस्तुत गर्दै आजको जन्मदिनलाई सत्कर्ममा जोडौ अभियान अन्तर्गतको वृक्ष रोपण कार्यक्रमलाई थप रोचक बनाएका थिए। आजको जन्मोत्सवको कार्यक्रममा सत्कर्ममा जोडिएर एक पीडित विद्यार्थीलाई ३० हजार सहयोग गर्ने र रौतहटका सितलहर पीडितलाई कम्तीमा १०० थान कम्बल वितरण गर्न सहयोग गर्ने प्रतिबद्धता व्यक्त गर्ने समाजसेवी लक्ष्मिनारायण चौधरीलाई राष्ट्रिय संयोजक चौलागाईंले धन्यवाद दिई सहभागी सबैलाई जानकारी गराएका थिए ।
रौतहटबाट नै पहिलोपटक अभियानको रूपमा सुरुवात यो अभियानलाई एक्यवद्धता जनाउदै काठमाडौ बस्ने रौतहटवासी समाजसेवी चौधरीले आज आफनो जन्मोत्सव पशुपतिनाथको भण्डारखाल क्षेत्रमा मनाएर कार्यक्रमलाई थप आकर्षक बनाएको सहभागीहरुले बताए ।
