संयुक्त राष्ट्र- सोमालियामा पानी र खाद्य अभावका कारण करिब चार लाख सत्तासी हजार मानिस प्रभावित भएका छन्, जुन देशको जनसङ्ख्याको करिब एक चौथाइको बराबर हो ।
संयुक्त राष्ट्रका साझेदारहरूले जनाएका अनुसार, सेप्टेम्बरदेखि डिसेम्बरसम्म कम्तीमा एक लाख बीस हजार मानिस विस्थापित भएका छन् । पानीको मूल्य अत्यधिक बढेको, खानेकुरा कम उपलब्ध भएको, पशुपन्छी मरेको र जीविकोपार्जन संकटमा परेको प्रवक्ता स्टेफाने दुजारिकले बताए।
शिक्षा क्षेत्रमा पनि गम्भीर असर परेको छ । देशभर ७५ हजारभन्दा बढी विद्यार्थी विद्यालय छोड्न बाध्य भएका छन् । प्रवक्ता दुजारिकले आगामी जनवरीदेखि मार्चसम्मको सुख्खा मौसमले स्थिति अझ गम्भीर बनाउने अनुमान गरिएको बताए । पानीको अभाव बढ्ने र पशुपन्छीको मृत्युदर उच्च हुने भएकाले खाद्य सुरक्षामा थप संकट आउन सक्ने चेतावनी दिइएको छ ।
संयुक्त राष्ट्र र यसको मानवीय साझेदारहरू पानी, खाना, पोषण, स्वास्थ्य र आश्रय क्षेत्रमा आपतकालीन सहायता समन्वय गर्न सक्रिय छन् । दुजारिकका अनुसार, संयुक्त राष्ट्र आपतकालीन कोषले नोभेम्बरको अन्त्यमा दस लाख अमेरिकी डलर छुट्याएको छ, तर थप ठूलो सहयोग तत्काल आवश्यक छ ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)