काठमाडौं- नेपाली कला र संस्कृतिको परिचायक हस्तकलाका सामग्रीको प्रचारप्रसार एवं प्रवर्द्धन गर्ने उद्देश्यले बुधबारदेखि ‘कला तथा सांस्कृतिक महोत्सव–२०८२’ हुने भएको छ ।
कला नगरी ललितपुरको पाटन दरबार स्क्वायर क्षेत्रमा हुने भएकाे छ । महोत्सवको बाग्मती प्रदेशका उद्योग, वाणिज्य, भूमि तथा प्रशासनमन्त्री बिन्दु श्रेष्ठले उद्घाटन गर्ने कार्यक्रम रहेको नेपाल हस्तकला महासंघले जनाएको छ ।
प्रदर्शनीमा करिब २१ वटा ‘क्यानोपे’ र १० वटा टेबल स्टल रहने आज यहाँ आयोजित पत्रकार सम्मेलनमा जानकारी दिइयो । महोत्सवमा हस्तकलाका सामग्रीका अतिरिक्त बुद्ध धर्मअनुसार दश कर्ममा प्रयोग हुने गरगहना, जातीय पोसाक, शास्त्रीय संगीत, विभिन्न विधाका चर्या नृत्य, अष्टमात्रिका र कार्तिक नाच, लोकनृत्यलगायत धाः बाजा, दमोखिं बाजा, नेपाल भाषाका लोकगीको प्रस्तुति रहने महासंकाका अध्यक्ष रवीन्द्र शाक्यले जानकारी दिए।
प्रदर्शनी बिहान १०ः०० देखि साँझ ७ः०० बजेसम्म चल्ने महासंघले जनाएको छ ।
