सिन्ह्वा– युक्रेनमा व्याप्त युद्व संकट समाधानका लागि तयार पारिएको युरोपेली शान्ति योजनाबारे रूस सचेत रहेको जनाउदै यसका प्रावधानहरू “असंवैधानिक“ रहेको रूसी राष्ट्रपतिको सहयोगी युरी उसाकोभले बताएका छन् ।
शान्ति योजनाको बारेमा धेरै अनुमान तथा प्रयासहरु भएता पनि रूसले संयुक्त राज्य अमेरिकाबाट सिधै प्राप्त शान्ति योजना र जानकारीलाई मात्र विश्वास गर्ने उनले बताएका हुन् । यसै क्रममा अलास्कामा छलफल गरिएका योजनाका अधिकाशं प्रावधानहरू मस्कोका लागि स्वीकार्य रहेको उशाकोभले जनाए ।
रूसी मिडियाका अनुसार, “युरोपेली योजना“ ले संयुक्त राज्य अमेरिकाले प्रस्ताव गरेको २८–बुदे शान्ति योजनामा धेरै संशोधन प्रस्तावहरु छन् । जसमा युक्रेनी सशस्त्र सेना वा रक्षा उद्योगको आकारमा कुनै प्रतिबन्ध नलगाउनु भनि उल्लेख गरिएको छ यद्दपी,अमेरिकी प्रस्तावमा युक्रेनी सशस्त्र सेनाको आकार सानो बनाई छ लाखमा सिमित गर्नु पर्ने सर्त रहेको जनाइएको छ ।
आइतबार जेनेभामा आयोजित संयुक्त राज्य अमेरिका, युक्रेन र ईयूका प्रतिनिधिहरू बीचको परामर्श पछि, प्रारम्भिक मस्यौदा योजना २८ बुदा बाट घटेर १९ बुधामा झरेको मिडिया रिपोर्टहरूले जनाएका छन् । उसाकोभले शान्ति योजनाको विवरणबारे छलफल गर्न अमेरिकाले चाँडै रूससँग सम्पर्क गर्ने पनि बताउनु भएको छ यद्देपी विशेष व्यवस्था भने अझै निर्धारण हुन सकेको छैन ।
