सिन्ह्वा– भियतनामले सांस्कृतिक उद्योगको विकासलाई तीव्र पार्ने रणनीति अनुमोदन गरेको छ । जसले सांस्कृतिक उत्पादन र सेवाबाट अर्थतन्त्र सुदृढ गर्ने लक्ष्य राखेकाे हाे ।
यस रणनीतिअनुसार, सांस्कृतिक क्षेत्रमा वार्षिक करिब १० प्रतिशत वृद्धि हुने अपेक्षा राखिएको छ, र २०३० सम्म यसले देशको कुल उत्पादनमा ७ प्रतिशत योगदान पुर्याउने लक्ष्य राखिएको छ ।
रणनीतिले सांस्कृतिक उद्योगका उत्पादनहरूको निर्यात मूल्य वार्षिक ७ प्रतिशतले वृद्धि हुने लक्ष्य समेत तय गरेको छ । यसैअनुरूप, देशभर सांस्कृतिक उद्योग केन्द्र, सिर्जनात्मक क्षेत्र र सांस्कृतिक परिसरोंको विकास गर्ने योजना बनाइएको छ, जसले स्थानीय र राष्ट्रिय ब्रान्डको विकासमा पनि योगदान पुर्याउनेछ ।
भियतनामले सन् २०४५ सम्म दिगो सांस्कृतिक उद्योग प्रणाली निर्माण गर्ने लक्ष्य राखेको छ, जसले राष्ट्रिय उत्पादनमा ९ प्रतिशत योगदान पुर्याउने र सांस्कृतिक वस्तु तथा सेवाहरूको निर्यात वार्षिक ९ प्रतिशतले बढाउने अपेक्षा गरिएको छ ।
