काठमाडौं - नेपाली युवाहरुको नयाँ सोच र प्रविधिको प्रदर्शन ‘स्टार्टअप एण्ड आइडिया फेस्ट २०२५’ सुरु भएको छ । बत्तिसपुतलीस्थित अनुपम फुडल्याण्डमा ‘स्टार्टअप एण्ड आइडिया फेस्ट २०२५’ आजदेखि सुरु भएको हो ।
नेपाली युवाको सिर्जनशीलता र प्रविधिमैत्री सोचलाई प्रोत्साहन गर्ने उद्देश्यसहित यस कार्यक्रमका गरिएकाे आयाेजकले जनाएकाे छ ।लिभिङ विथ आईसिटी र सनवोय कलेजले संयुक्त रुपमा कार्यक्रमको आयोजना गरेकाे हाे ।
कार्यक्रममा देशभरका १५० भन्दा बढी डिजिटल स्टार्टअप र इन्नोभेसन परियोजनाहरू प्रदर्शनमा राखिएका छन् । आईटी सफ्टवेयर, एरोस्पेस, ड्रोन, रोबोटिक्स, आइडिया पिचिङ, वर्कशप र जब फेयरजस्ता गतिविधिहरू फेस्टका मुख्य आकर्षण छन् ।
आयोजक तथा लिभिङ विथ आईसिटी अध्यक्ष राजन लन्सालले भने ,' फेस्टले नेपालमा बढ्दो नवप्रवर्तन संस्कृतिलाई बलियो बनाउने र युवा उद्यमीहरूलाई अवसर र लगानीसँग जोड्ने उद्देश्य लिएको छ ।' ‘हामीले देशभरका नयाँ सोच र सम्भावना देखाउने युवालाई एउटै प्लेटफर्ममा ल्याउने कोसिस गरेका छौं,’ उनले भने ।
सुचना मन्त्रालयकी सचिव राधिका अर्याल भनिन्, ' मानव जीवनकाे आईसिटी एक महत्वपूर्ण हिंसा भएकाे छ।' उनले भनिन् 'नागिरककाे सपन्नता र विपन्नता पनि आईटीबाट नै थाहा हुने भएकाले प्रारम्भिक चरणमा रहेका आईटी क्षेत्रका विकासलाई उत्पादनमा सरकारले जाेड दिन्छ । 'साथै सचिव अर्यालले जेनजीलाई सम्बाेधन गँर्दै भ्रष्टाचार अन्त्य, कामलाई छिट्टाे र परिणामुखी आईटीले बनाउने भएकाले सरकारले प्राथनिकता दिएकाे बताइन् ।
फेस्टमा विश्वविद्यालय, इन्क्युबेसन सेन्टर, र निजी क्षेत्रबीच सहकार्यका अवसरहरू पनि खोजिएका छन् ।आयोजकले यसलाई आगामी वर्ष अन्तर्राष्ट्रिय स्तरमा विस्तार गर्ने योजना पनि सार्वजनिक गरेका छन् । फेस्टमा प्रदर्शनमा राखिएका प्रोजेक्टहरू सूचना प्रविधि, कृषि प्रविधि, स्वास्थ्य प्रविधि, नवीकरणीय ऊर्जा, रोबोटिक्स र कृत्रिम बुद्धिमत्ता (एआई) सम्बन्धी छन् । प्रदर्शनमा एक टोलीले बनाएको लिंकले वास्तविक जिवनमा नै नेटर्वकको व्यवस्था भएको छ । त्यसैगरी धनगढीको एक समूहले सफ्टवेयर बनाएर यात्रा गर्दा मोबाइलमार्फत बाली सहज यात्रा तय भएको सन्देश बनेगटीले बताए ।
फेस्टमा ड्रोन र रोबोटिक्स प्रतियोगिता विशेष आकर्षण बनेका छन् । सहभागीहरूले आफ्ना स्वनिर्मित रोबोट र ड्रोनमार्फत विविध कार्य प्रदर्शन गरेका छन्। आईटी सफ्टवेयर श्रेणीमा पनि युवाहरूले कृत्रिम बुद्धिमत्ता र डेटा विश्लेषण प्रयोग गरेर स्थानीय समस्या समाधानका उपायहरू प्रस्तुत गरेका छन् ।
फेस्टसँगै आयोजना गरिएको जब फेयरमा देशका करिब २५ कम्पनीहरूको सहभागिता छ । ती कम्पनीहरूले नयाँ सीप भएका युवालाई रोजगारीका अवसरहरू प्रदान गर्ने बताएका छन् । आर्कबो टेन्नोलोजीका विपिन भण्डारीले भने,‘हामीले सिकेको नयाँ सोच र सीप प्रदर्शन गर्न खोजिरहेका थियौँ । यस्तो फेस्टमा हामीले प्रदर्शन गर्ने मौका पायौँ ।’ सहभागीहरूका लागि वर्कशप, आइडिया पिचिङ, र लगानीकर्तासँग प्रत्यक्ष भेटघाटका अवसरहरू पनि छन् । उत्कृष्ट आइडियालाई नगद पुरस्कार र टेक्निकल सपोर्ट उपलब्ध गराइने आयोजकले जनाएको छ ।
फेस्टमा सहभागी धेरै युवाले यस्तो अवसरले आफूलाई नयाँ सोच र आत्मविश्वास दिएको आयोजनको अपेक्षा रहेको छ । ‘स्टार्टअप एण्ड आइडिया फेस्ट २०२५’ ले नेपाली युवाको सिर्जनशील सोच, उद्यमशीलता र प्रविधिप्रतिको लगावलाई एकै स्थानमा ल्याएको छ । आयोजकहरूको भनाइमा, यो केवल प्रदर्शनी नभई नेपालको डिजिटल भविष्यतर्फको अभियान बन्ने छ ।
