काठमाडौं । तेस्रो परा हिमालय सञ्चार तथा सामाजिक विकास संगोष्ठी काठमाडौंमा सुरु भएको छ। हिमालय आसपासका देशहरुका विज्ञ तथा सञ्चार अनुसन्धानकर्ताहरु सहभागि सम्मेलनमा ४० वटा सोधपत्र प्रस्तुत हुनेछन्। चिनको युनिभर्सिटी अफ इलेक्ट्रोनिक साइन्स एन्ड टेक्नोलोजी अफ चाइना (युइएसटीसी) र त्रिवि पत्रकारिता विभागको आयोजना सुरु भएको संगोषठीमा आम सञ्चार एआई क्षेत्रीय साझेदारी विपत सञ्चार पहाडी महिला सहभागिता सम्बन्धित विषयमा प्रमुख वक्ताहरुले कार्यपत्र प्रस्तुत गरेका थिए।
युनिभर्सिटी अफ टेक्ससका अरविन्द सिङ्घाल, त्रिवि रेक्टर प्रध्यापक खड्ग केसी, छिङ्ह्वा विश्वविद्यालयका प्रध्यापक चन छङ्फङ, जवाहरलाल नेहरु विश्वविद्यालयका प्रध्यापक मनकोण्डा रविन्द्रनाथ, पञ्जाव विश्वविद्यालयका प्रध्यापक अविधा अस्रफ, कुमाउ विश्वविद्यालयका प्रध्यापक दीपिका पन्त, त्रिवि पत्रकारिता विभागका प्रमुख कुन्दन अर्याल, पान हिमालय कम्युनिकेसन सेन्टरका निर्देशक प्रध्यापक हान होङलगायतले कार्यपत्र प्रस्तुत गरेका छन्।
संगोष्ठिका क्रममा डिजिटल सिल्क रोड, साझा भविष्यका लागि समुदायको विकास क्षेत्रिय साझेदारीर राजनीतिक परिवर्तन, जेनजी तथा डिजिटल मिडिया लगायताका विषयमा शोधपत्रहरु प्रस्तुत हुनेछन्। यसैबीच संगोष्ठिका क्रममा त्रिविको जनप्रशासन विभाग र युइएसटिसीको स्कुल अफ पब्लिक एडमिनिस्ट्रेसनको साझेदारीमा सिसर्च सेन्टर फर डिजिटल एण्ड इन्टेलिजेन्स गभरनेन्स इन पान हिमालय रिजनको घोषणा भएको छ।
