काठमाडौं -इतिहासमै सबैभन्दा कम शरणार्थी प्रवेशको सीमा निर्धारण सन् २०२६ मा हुने भएकाे छ । अमेरिकी राष्ट्रपति डोनाल्ड ट्रम्पले आगामी वर्ष देशको इतिहासमै सबैभन्दा कम शरणार्थी प्रवेशको सीमा निर्धारण गरेका हुन् ।
आर्थिक वर्ष सन् २०२६ का लागि जम्मा ७,५०० मानिसहरूले मात्र प्रवेश पाउने ट्रम्प प्रशासनले निर्णय गरेकाे छ ।बिहीबार प्रकाशित तर सेप्टेम्बर ३० को मिति राखिएको एक राष्ट्रपतीय दस्तावेजमा ट्रम्प प्रशासनले विश्वभरि असुरक्षित अवस्थाबाट भागेका लाखौं मानिसहरूका लागि अमेरिकी शरणार्थी प्रणाली ठूलो मात्रामा बन्द रहने सङ्केत गरेको छ।
सीमित संख्यामा प्रवेश पाउनेहरूमध्ये पनि अधिकांश दक्षिण अफ्रिकाका गोरा अफ्रिकनहरू हुने जनाइएकाे छ ।बिहीबारको फाइलिङहरूले ट्रम्प प्रशासनले भविष्यमा शरणार्थी सेवाहरू ह्यान्डल गर्ने समूहहरूलाई सीमित गर्ने पनि सङ्केत गरेको छ ।
हाल विभिन्न सार्वजनिक र निजी संस्थाहरूलाई दिइने शरणार्थी पुनर्वास अनुदान र ठेक्काहरू अब स्वास्थ्य तथा मानव सेवा विभाग अन्तर्गतको शरणार्थी पुनर्वास कार्यालयमा सारिएको छ ।संयुक्त राष्ट्रसंघीय शरणार्थी उच्चायुक्तको कार्यालय अनुसार, हाल विश्वभरि ४ करोड २७ लाख शरणार्थीहरू छन्।
