पेरिस - फ्रान्सका केही रेल सेवाका केबलहरूमा आगो लगाइदिएपछि सोमबार दर्जनौं उच्च गतिको रेल यात्राहरू अवरुद्ध भएका अधिकारीहरूले बताएका छन्। यातायात मन्त्री फिलिप टाबारोटले एक्समा लेख्नुभएको छ, “पेरिसलाई दक्षिणी बन्दरगाह शहर मार्सेलीसँग जोड्ने देशको सबैभन्दा धेरै रेल यात्रा गर्ने मुख्य लाइन भ्यालेन्सको दक्षिणमा रातभर ट्रेनलाइन केबलहरूमा ‘जानाजानी आगो लगाइएको र यसले सेवा अवरूद्ध हुन पुगेको छ।”
भ्यालेन्स शहर लियोनको दक्षिणी प्रमुख शहर टुलूसलाई जोड्ने मार्गमा रहेको छ। दोषी को हुन सक्छन् भन्ने बारेमा तत्काल कुनै जानकारी प्राप्त भएको छैन। राष्ट्रिय रेलसेवा सञ्चालक (एसएनसीएफ)ले २५ मिटर लामो क्षेत्रमा १६ केबलहरू बदल्नु पर्ने भएकोले मंगलबार बिहान पहिले यातायात राम्रोसँग सुरु असम्भव देखिएको छ।
यातायात मन्त्रालयले करिब १०० वटा रेलको सेवा प्रभावित भएको जनाएको छ । फ्रान्सको राजधानी गारे डे लियोनमा दक्षिणी बन्दरगाह शहर मार्सेलीका लागि जाने सबै रेलहरू रद्द गरिएका छन् । यात्रुहरू पुनः टिकट बुक गर्न लामो लाइनमा उभिएका छन्।आफ्नो थर नबताउने जर्मन विद्यार्थी लिनाले सोमबार बार्सिलोना जाने योजना बनाएकोमा पेरिसमा नै रोकिनुपरेको बताए ।
उनले भने, “म रेल यात्रा रद्द गरी बसबाट बार्सिलोना जाने योजना बनाएको छु तर यसका लागि मैले मेरो रेल टिकटबापतको पैसा फिर्ता गर्न आग्रह गर्दछु।” मार्सेलीमा एक वृद्ध दम्पतीले टिकटका लागि अफिसमा लामो लाइन बसेका यात्रीहरू देखेको बताए । “जङ्गलमा स्वागत छ,” एक रेलवे कर्मचारीले ठट्टा गरे।
सोमबारको घटना फ्रान्समा अवरोधहरूको श्रृंखलाको पछिल्लो घटना थियो।गत जुनमा उत्तरी फ्रान्समा केबल चोरीले लन्डन र पेरिसबीच युरोस्टारको यातायात केही दिनका लागि अवरुद्ध भएको थियो ।गत मार्चमा पेरिसबाहिर दोस्रो विश्वयुद्धको समयको ५०० किलोग्रामको बम फेला परेपछि फ्रान्सको राजधानीमा वर्षौंपछि रेलसेवा अवरुद्ध भएको थियो । एक टोलीले यसलाई निस्क्रिय गरेपछि रेलयात्रा पुनः सञ्चालनमा आएको थियो ।
