काठमाडौं– जेनजी आन्दोलनका क्रममा भदौ २४ गते आक्रमणमा परेका कांग्रेस सभापति शेरबहादुर देउवा दम्पत्ती सिंगापुर जाँदैछन् । आज राती नौ बजे आरजु राणासहित देउवा सिंगापुर जान लागेका हुन् ।
जेनजी आन्दोलनका क्रममा सुरक्षाकर्मीले उद्धार गरेर देउवा दम्पतीलाई सेनाको सैनिक अस्पताल छाउनीमा लगेको थियो । नेताहरूका अनुसार उनको टाउकोमा १२ वटा टाँका लगाइएको छ ।
पार्टीको कार्यबाहक सभापतिको जिम्मेवारी उपसभापति पूर्णबहादुर खड्कालाई सुम्पिएका देउवा उपचारका लागि सिंगापुर जान लागेका जनाएको छ ।
