काठमाडौं - बिहीबार साँझ सोलुखुम्बुमा भएको बोलेरो गाडी दुर्घटनामा ज्यान गुमाउनेको पहिचान खुल्न सकेको छैन। दुर्घटनामा ज्यान गुमाउने पाँच जानमध्ये तीन जनाको अझै पहिचान खुल्न बाँकी रहेको छ । दुर्घटनामा ६ जना घाइते भएका छन् ।
सोलुको माप्यदुकोशी गाउँपालिकाबाट महाकुलुङ गाउँपालिका जाँदै गरेको बलेरो साढे ६ बजे दुर्घटना भएको थियो । बोलेरोमा ११ जना सवार थिए । दुर्घटनामा ज्यान गुमाउनेमध्ये महाकुलुङ गाउँपालिका ३ छेस्कामकी १६ वर्षीया हबी राई २० वर्षीया शान्ति राईको मात्रै सनाखत भएको हो । दुर्घटनामा घाइते गाडी चालक महाकुलुङ ३ का ३२ वर्षीय श्रीध्वज राईको अवस्था गम्भीर छ।
त्यसैगरी, दुर्घटनामा घाइतेमा गंगा राई, बस्तीकला राई, समया राई, सजना राई र उमेश राई रहेको छन् । उनीहरुको जिल्ला अस्पतालमा उपचपार भइरहेको छ । सोलु प्रहरीका अनुसार माप्य दूधकोशी गाउँपालिका वडा नम्बर ६ र ७ को सिमानामा रहेको भिरकुना भन्ने स्थानमा बालेरो दुर्घटना भएको हो । भिरकुनाको सडकबाट झन्डै ५ सय मिटर तल खसेको थियो ।
