एजेन्सी - अहमदाबादमा गत जुन १२ मा भएको एयर इन्डियाको बोइङ ७८७–८ ड्रिमलाइनर विमान दुर्घटनामा मृत्यु भएका चार यात्रुका परिवारले अमेरिकी अदालतमा विमान निर्माता बोइङ र पार्टपुर्जा निर्माता हनिवेलविरुद्ध मुद्दा दायर गरेका छन्।
मंगलबार दायर मुद्दामा कम्पनीहरूको लापरबाहीका कारण दुर्घटना भएको दाबी गरिएको छ। आरोपअनुसार, खराब इन्धन स्विचकै कारण दुर्घटना भएको र डिजाइनमा जोखिम रहेको थाहा हुँदाहुँदै पनि कम्पनीहरूले आवश्यक कदम नचालेका थिए।
दुर्घटनामा २६० जनाको मृत्यु भएको थियो भने एक जना मात्र जीवित बच्न सफल भएका थिए। अनुसन्धान प्रतिवेदनले इन्धन स्विच असफलताले दुर्घटना निम्त्याएको पुष्टि गरेको छ।
